Нууц мэдээллийн уурхай

12 настай охиныг “Орд гео” компаний 50 метрийн помп дарж унан амийг нь авч одсон. Энэ хэрэгт тус компаний захирал Б.Саранхүү, “Орд гео” ХХК-д бетон зуурмаг шахагч автопомпны оператор Г.Гантөмөр, Орд гео ХХК-нд бетон зуурмаг шахагч автопомпны туслах ажилтан Б.Дашням нар нь гэс буруутай тогтоогдсон. Б.Саранхүү нь “Орд гео” компаний ерөнхий захирлаар ажиллаж байхдаа Хөдөлмөрийн аюулгүй ажиллагаа эрүүл ахуйн тухай хуулийн олон зүйл ангийг зөочсөнөөс гадна хамгийн ноцтой нь өөрийн компанид ажиллаж байсан Г.Гантөмөр, Б.Дашням нарыг сургалтанд хамруулаагүй гэж яллах дүгнэлтэнд тусгасан байсан. Мөрдөн байцаалт шүүх хуралдаанй үеэр Б.Саранхүү нь хариуцлагаас мултрах гэж оролдож байсан гэнэ. Тэрээр “би ажил лдглгч л болохооё өдөр тутмын ажлыг зохицуулдаг хүн биш” гэж мэдүүлсэн гэнэ.  Мөн түүний компаний автопомпод ажил олж өгдөг “Буянтрак” компаний Б.Буянтэгш нь над биш харин манай үйлдвэрийн дарга Найдансүрэнтэй уулзаж гэрээ хийсэн гэж өөр хүн лүү түлхжээ. Гэтэл “зуучлагч” Б.Буянтэгш нь “Орд гео” компани  50 метр өндөртэй помп оруулж ирсэн гэдгийг сонсоод “…ажилд зуучилж өгнө, төлбөр тооцоог нь би хийнэ, түүнээс зуучлалын хөлс болгож 5 хувийг нь авна гэсэн санал тавьсан…ажилд зуучлах, төлбөр тооцоог нь барагдуулах тал дээр Б.Саранхүү захиралтай найдвартай ажилд зуучлаад эргүүлээд төлбөр тооцоог нь барагдуулах бүрэн боломжтой юм байна гэж бодож хамтран ажилладаг болсон” гэж мэдүүлсэн нь хоёр захирал хамтран ажиллахаар уулзаж байсныг баталсан мэдүүлэг болжээ. Туслах машин Б.Дашням нь “помп байрлуулах газраа заалгаад  данхраадаа дэлгэхэд помпны хойд хоёр данхраад гүйцэд дэлгэгдээгүй, тэгээд Гантөмөрөөс асуухад болно, өмнө нь тэгж ажиллаж байсан гэж хэлсэн тул удирдлага гуйж аваад сумаа дээш нь өргөсөн, тэгтэл помпны баруун урд талд газар нь цөмрөх гэж байна гэж Гантөмөр хэлэхэд нь би помпны сумыг ертөнцийн зүгээр баруун тийш эргүүлтэл помп саваад унасан” гэж мэдүүлжээ. Хамгийн эмгэнэлтэй нь помпын хойд хоё данхраад дутуу дэлгэгдэж байгааг тоогоогүй ахлах машинч Г.Гантөмөр нь помп саван хөөрхий охиныг дарж унах үед кабиндаа хуушуур идээд сууж байжээ. Шүүх хуралдаан дээр талийгаачийн аав хэрэгт холбогдсон “Орд гео” зэрэг компаниудын захирлуудын арьсаа хамгаалах гэсэн хүн чанаргүй үйлдлийг нь жигшиж байгаагаа хэлж байжээ. Тэрээр “Шүүгдэгч нар өөрсдөө хүнлэг бус авир гаргаж мэдүүлэг өгдөг юм байна. Энэ нь миний жигшил зэвүүцлийг төрүүлж байна, Г.Гантөмөрийн хувьд помпны сургалтад суугаад юм сурсан байна уу, сураагүй байна уу өмгөөлөгч нар нь янз бүрээр тайлбарладаг. Ингэж эргүү, тэнэг хүн шиг энд худлаа ярих ямар хэрэгтэй юм бэ? Өөрийнх нь хэт хэнэгггүй байсан, ажлын байран дээрээ хөлөө буулгаад явж байх ёстой хүн хоолоо идээд кабиндаа сууж байсан тийм л хүн. Одоо энэ олон захирал бүгд өөрсдийгөө буруугүй гэж байна, Эцсийн дүнд хэн нэгэн буруутай гэдгийг Монгол Улсын шүүх, шүүгч, прокурор нотолж өгөөсэй гэсэн туйлын хүсэлтэй байна” гэж хэлж байсан.

 

NUUTS.mn