Н.Номтойбаярын хувьд золбин нохой, баавгай хоёр ижил
.jpg)
УИХ-аас “зоригт анчин бүсгүй” тодорсоноос болж гишүүдийн ховор ангийн хэрэг сэдэрлээ. Тэдний дундаас нэг нь ч “тиймээ би агнасан юм, энэ явдал надад том сургамж болсон, ахиж тийм үйлдэл хийгүй” гээд олон нийтийн өмнө хэлчих зоригтон алга. Бүгд л авлаагүй буудаагүй болж таарсан. Бараг л гайтай баавгай өөрийн үхлээрээ үхчихсэн хэвтэж байсантай тааралдаад хажууд нь очоод зургаа авахуулсан маягийн юмыг Дорнодоос сонгогдсон Н.Номтойбаяр ярьдаг. Гэхдээ барьсан буугаа тавихаа мартсан байж. Энэ тухайд асуусан сэтгүүлчид тэрээр “золбин асуултанд хариулахгүй” гэж ихэрхжээ. Хэрвээ гишүүн золбин нохой буудчихсан бол тэр тухайд нь асуух нь “золбин” асуулт байж болно. Гэтэл Монголд ердөө 250-300 гаруйхан тоотой байдаг хүрэн баавгайн тухай яригдаж байна. Ховор ан агнасан байж болзошгүй тухай асуух нь “золбин” хэрэг бол өнөө цагт улам хурцаар тавигдаж байгаа байгаль хамгаалал, амьтны эрх, байгаль хамгаалагчдын тэмцэл хөдөлгөөн мөн л “золбин явдал” болж таарах нь…
NUUTS.mn
