Г.Батхүү гишүүн Төрийн ордныг гудамж гэжээ
УИХ-ын гишүүн, АН-аас Өвөрхангайн тойрогт асуудалтайхан гарч ирсэн Г.Батхүүгийн баавгайтай хамт “авахуулсан зураг” олон нийтэд тарсан. “Монос”ын Л.Эрдэнчимэг гишүүнийн “туулайн ав”-ын дуулианаар хууль бусаар хориотой ан агнасан хэрэгт нэр холбогдсон гишүүдээс хэвлэлийнхэн тайлбар авах гэжээ. Энэ үед Г.Батхүү ангийн анд Дэмбээ шигээ аашилж “гудамжинд яриа өгөхгүй” гэж хээв нэг хариулж. Уг нь монгол төрийн хойморь болсон Төрийн ордны хонгилд гишүүний араас хариултаа нэхэн явсан аж. Ийнхүү УИХ-д хэдэнтээ сонгогдож дэд дарга, төрийн сайд хүртэл өндөр дээд алба хашиж явсан Г.Батхүү төрийн ордныг захын нэг гудамжтай зүйрлэж үздэг юм байна. Түүнийг сайд, гишүүн болгох шийдвэр энэ ордонд гарч байсныг нь бодоод жаахан ч гэсэн хүндэтгэлтэй хандаж болох байсан. Төрийн дээдлэх үзэл төрийн түшээдэд алга болсоныг энэ явдал харууллаа. Тийм ч учраас захын гудамжинд ч гарамгүй хэрүүл тэмцэл, муу санаа муухай бодол, үг хэллэг, үйл явдалд төрийн ордон бузарлагдсан гэхэд болно. Тийшээ муу муухай бүхнийг оруулсан нь хүмүүс нь УИХ-ын гишүүд мөнөөсөө мөн юм.
NUUTS.mn
