“Шэнхуа” групп, “Chinalco”-гийн махинацид Монголын олигархиуд холбогдох магадлалтай
Нийтэлсэн: 2015-02-12 02:30:43
Тавантолгойн тендерт ялагч “Шэнхуа” групп, Тавантолгойн нүүрсний худалдан авагч “Chinalco” нь авилгалд идэгдэж төрийн өмчийг завших явдал газар авсан болохыг БНХАУ-ын Сахилгын хяналтын төв комисс 5 удаагийн том шалгалтаар илрүүлжээ. Ийнхүү мега төсөлд Монголын авилгач түшмэд Хятадын авилгач компанитай хамтрах гэж байжээ. Импортын нүүүрсээр маш том махинаци явуулж төрийн өмчийг идэж ашигласан шамшигдуулсан гэх хэргээр “Шэнхуа” группын удирдлагаас Zhang Wen Jiang Hua Zeqiao нар, “Chinalco”-гийн захирлууд баривчлагдсан байна. Урьдчилсан байдлаар тэдэнд бүх насаар нь хорих ял оноох бололтой. Сахилгын хяналтын төв комиссын мэдээлснээр, Шэнхуа группын нүүрсний борлуулалт, үйл ажиллагааны хяналт, удирдлага зохион байгуулалт урт хугацааны туршид муу байсан бөгөөд нүүрсний гэрээ байгуулах, зөвшөөрөл олгох эрх нь цөөн тооны албан тушаалтны гарт төвлөрч, тэдгээр хүмүүс их хэмжээний хууль бус ашиг олох боломжийг бүрдүүлсэн байжээ. Энэ шалгалт цаашаа хөвөрвөл Хятадын компаниудад хямд нүүрс уралдан нийлүүлж байсан Монголын олигархиуд, төрийн өмчит компаний удирдлагууд ч холбогдох магадлалтай гэнэ.
NUUTS.mn
