“Босоо хөх Монгол”-ын гишүүдийн суулт гуравдахь хоногтоо үргэлжилж байна
Ноён уулаа хөрөнгө оруулагчид нэртэй гадны дээрэмчдээс хамгаалах зорилготой “Босоо хөх Монгол” төрийн бус байгууллага, “Ноён уулаа аврах” хөдөлгөөнийхөн Хэлмэгдэгсдийн хөшөөний дэргэд гурав дахь өдрөө суулт хийж байна. Тэдний “Урт” нэртэй хуулийг өөрчлөх, “Сентерра гоулд” компанийг стратегийн ордын жагсаалтанд оруулахыг эсэргүүцэж, улмаар Ноён уулаа төрийн хамгаалалтанд авах шаардлагыг нь дэмжигчдийн тоо өссөөр байна. Тэмцэгчид эсэргүүцлийн янз бүрийн хэлбэр ашиглаж байгаа аж. Хоёр хоногийн өмнө 50 бөө авчирч бөөлүүлсэн нь олны анхаарлыг энэ асуудалд хандуулах гэсэн зорилготой байж. Энэ нь үр дүнгээ өгсөн. Гэхдээ эрх баригчдын зүгээс тодорхой арга хэмжээ авч, нааштайгаар шийдэхгүй бол ойрын өдрүүдэд өлсгөлөн зарлахаа албан ёсоор мэдэгдлээ. Хэлмэгдэгсдийн хөшөөны хажууд “Босоо хөх Монгол”-ын гишүүд ээлжлэн хонож байгаа бөгөөд гурван шөнө дараалан хоносон хүн ч байгаа гэнэ.
NUUTS.mn
