Нууц мэдээллийн уурхай

АН-ынхан эрээ цээргүй, увайгүй үйлдэл бүхнээрээ энэ он жилүүдэд өөртөө хуримтлуулсан ард түмний итгэл дэмжлэгийг алдсаар байна.  Сонгогч түмнээ хуурсан, хулхидсан бүхнийг нь  бичих гэвэл уртаас урт жагсаалт болно. Ялангуяа эдийн эдийн засгийн уналтын үед эдийн засгийн голлох салбарт мэргэжлийн бус хүмүүсийг сайдаар томилон явуулсан нь бодлогийн том алдаа болжээ. Өнөөдүүл нь очоод л баллаж өгч байна. Ердөө арваадхан жилийн өмнө Э.Бат-Үүлийн трактортой жагсаалын ачаар бий болсон газар тариланчидын дундах дэмжлэгийг ҮХАА-н сайд Р.Бурмаа орос улаан буудайгаар нам дарлаа. Одоо энэ итгэл, дэмжлэг ахин сэргэхгүй хэмээн АН-ын арай ухаалаг хэсэг нь  халагласан гэнэ. АН-ын Ерөнхий сайд нь “амжилттай” айлчилж байгаа Японд л гэхэд хичнээн өндөр үнэтэй чанар муутай ч гэсэн үндэсний бүтээгдэхүүнээ хэрэглэдэг, үндэсний үйлдвэрлэлээ дэмждэг. Тэнд хэзээ ч бодлогийн яам нь үйлдвэрлэгчидээ ялгаварладаггүй, нэгнийх нь талд орж нөгөө рүү нь дайрдаггүй. Мөн хоорондын маргаанд нь хошуу дэвсээд ордоггүй.  Гэтэл Р.Бурмаа сайд гурилын хэдэн үйлдвэрийн талд ороод газар тариаланчиддаа хойд эхийн царай харуулж сууна. Сүүлдээ бүр үүдэн хойморийн зайны хов жив яриад хов зөөгөөд сууж байх гэж…  Монголын эдийн засгийн тулгуур салбар болсон ХАА-г удирдахад шинэ сайд дэндүү хэнздэж байна даа. Сонгогчидын боловсрол нь л чадах ажил нь байж.

 

NUUTS.mn