Нууц мэдээллийн уурхай

Монголын бизнесийнхэн хууль журмыг хэрхэн уландаа гишгэдэг, үл тоомсорлодог гэдгийг Д.Бат-Эрдэнийн “Алтай констракшин” ахин баталлаа. Манай Мэргжмлийн хяналтын сурсан зангаараа “ниргэсэн хойно нь хашгирав” гэгчээр хүний амь эрсэдсэний дараа нь баахан зөрчил илрүүлжээ. Осол гарсан "Саруул хотхон” хорооллын В4 блокын дотор өрлөгийн ажил хийхдээ тусгай зөвшөөрөлгүй аж ахуйн нэгж, хувь хүнтэй гэрээ байгуулан хийлгэж байсан гэнэ.  Нэгэнт тусгай зөвшөөрөлгүй хойно хөдөлмөр хамгаалал хоёрдугаар зэрэгт тавигддаг нь ёс болсон.  Ажилчиддаа хөдөлмөрийн аюулгүй ажиллагааны зааварчилгаа өгдөггүй,  сургалтад хамрагдаагүй ажилтанг ажиллуулсан, өргөх, зөөх, тээвэрлэх хэрэгсэлд засвар үйлчилгээ, тохируулгыг мэргэжлийн байгууллагаар хийлгэж, дүгнэлт гаргаж баталгаажуулсан техникийн магадлагаа, бичиг баримт, лифтний хонгилд байрлуулсан өргүүрийн угсралтын зураг, ашиглалтын паспорт, холбогдох бичиг баримтууд байгаагүй гэнэ. Мөн ажилчид нь халаалтгүй байранд ажлын нөхцөлд тохирсон дулаан хувцас, толгойн хамгаалах хэрэгсэлгүй ажиллуулсан байжээ. Талийгаач ажлын дулаан хувцасгүй бүр хамгаалалтын дуулган малгайгүй байсан гэнэ.

 

NUUTS.mn