Нууц мэдээллийн уурхай

Архинд гүнзгий орсон манайхны хувьд архи өгсөн хамгийн сайн өгөөгүй нь хамгийн муу хүн болдог. Баянхонгор аймгийн харьяат, 22-23 настай, дээд боловсролтой Т.Н,Б.Д нар нь  архи зээлээгүйд хорсон дэлгүүрийн эзнийх нь машины гурван дугуйг цоо хатгаад хоёр жилийн тэнсэн харгалзах ял авчээ. Тэд 2014 оны 11 дүгээр сарын 19-ний өдөр Баянхонгор аймгийн Баянхонгор сумын 1 дүгээр багийн нутаг дэвсгэрт байрлах “Өлзий” дэлгүүрийн үүдэнд байсан иргэн Ж.Учралтын соната-2 маркын 60-81БНА улсын дугаартай авто машины 3 дугуйг хутгаар хагалж бусдын эд хөрөнгийг санаатайгаар гэмтээжээ. Энэ тухай гэрч Б..Батбаяр нь мөрдөн байцаалтанд “... би гараад ирсэн чинь Н, Д хоёр гадаа зогсож байсан. Тэгээд би дэлгүүр архи зээлэхгүй өмнөх зээлээ төлж байж ав гээд байна гээд бид  гэр гэрлүүгээ явсан. Тэгээд би гэрлүүгээ орж явсан чинь араас Өлзий дэлгүүрийн худалдагч Ж.Учралт над руу утасаар залгаад намайг яагаад машины дугуй хагалж байгаа юм, архи зээлэхгүй гэхээр машины дугуй хагалж байгаа юм уу гэхээр би дугуй хагалсанаа мэдэхгүй байна би хагалаагүй гэсэн чинь танай  найз нар чинь миний соната-2 машины дугуйг хагалсан байна гэхээр нь би хагалсан талаар мэдэхгүй байна гээд утасаа тасалсан. Тэгээд би маргааш өдөр Н лүү залгаад та хоёр Өлзий дэлгүүрийн үүдэнд байсан соната-2 машины гурван  дугуйг хагалсан юм уу гээд асуусан чинь тиймээ  бид хагалсан юм. Төлөөд өгнө гээд хэлчих гэсэн” гэжээ Харин хохирогч нь “…2014 оны 11 сарын 19-ний өдөр орой 21 цагийн үед би 1-р баг Өлзий дэлгүүрт сууж байсан. ...тэгээд би дэлгүүртээ сууж байсан чинь цонхны урдуур 2 хүн гүйгээд явчихаар нь би гараад хартал миний соната-2 машины хойд талын 2 дугуй, зөв талын 1 урд дугуйг иртэй зүйлээр хагалсан байсан. Тэгээд би ойр хавиар хүн харсан чинь хүн харагдахгүй байсан. Тэгээд би Батбаярыг архи өгөхгүй болохоор нь миний машины 3 дугуйг хагалсан байх гэж бодоод утасруу залгасан чинь үгүй би хагалаагүй юу яриад байгаа юм гэхээр нь би танай найз нар чинь хагалсан юм биш биз гэсэн чинь би мэдэхгүй байна гэсэн” гэжээ.

NUUTS.mn