“Алтай констракшн” компаний барилгаас дахин хүн унаж нас барлаа
Нийтэлсэн: 2015-02-10 04:02:47
“Алтай констракшн” компаний барилгаас дахиад хүн унаж нас баржээ. Уг хэрэг энэ оны 2 дугаар сарын 8-нд тус компанийн Баянзүрх дүүргийн 26 дугаар хорооны нутаг дэвсгэрт барьж буй “Саруул” хотхоны барилга дээр болжээ. Барилгын 9 давхараас унаж нас барсан иргэн “Б” нь 36 настай бөгөөд тэрбээр тоосго буулгахаар лифтний хонгилд ажиллаж байхдаа осолд өртсөн байна. Лифтний татлага тасарсан гэж эх сурвалжууд мэдээлж байгаа бөгөөд шалтгааныг нарийвчлан шалгаж байгаа аж. Өнгөрсөн оны зун мөн ийм хэрэг тус компанийн барилга дээр гарсан ч компанийн удирдлагууд хав дарж, хэн ч хариуцлага хүлээгээгүй байгаа юм. Харин энэ удаа гарсан хүн амины хэрэг хэрхэн шийдэгдэхийг манай сайт эргэн сурвалжилах болно. Одоогоор “Алтай констракшн”-ын барилгын үйл ажиллагааг түр зогсоогоод байна.
NUUTS.mn
