Орхон аймгийн ИТХ С.Дангаасүрэнг засаг даргад нэр дэвшүүллээ
Орхон аймгийн засаг дарга Г.Зоригт ажлаа өгсөн. Эх сурвалжуудын мэдээллэж буйгаар ИТХ-ын XX-рхуралдааны үеэр өөрийн намын бүлгийн хурал дээр ажлаа өгнө гэдгээ албан ёсоор мэдэгдсэн байна. Тэрээр ажлаа өгөх хүсэлтэй байна гэдгээ удаа дараа намын нөхөддөө хэлж байсан ч ерөнхий сайд асан Н.Алтанхуяг миний бүрэн эрхийн хугацаанд ажлаа өгч болохгүй гэж хэлж байсан гэдэг. Нэгэнт Шинэчлэлийн засгийн газар огцорсон тул тэрээр өнгөрсөн сарын 25-нд болсон ИТХ-ын хуралдаан дээр өргөдөлөө өгсөн. Ийнхүү 2 жилийн хугацаанд өөрийн багаа бүрдүүлэн багагүй бүтээн байгуулалтын ажлыг хийж амжуулсан засаг дарга Г.Зоригт ажлаа өгөх болсон сургаар Ардчилсан нам дотор энэ суудлын төлөөх тэмцэл эхэлсэн. Тэгвэл энэтэмцэлд цэг тавьж С.Дангаасүрэнг Орхон аймгийн засаг даргад АН-ын бүлгээс нэр дэвшүүлж санал хураалт явуулжээ. Санал хураалтанд МАН бүлэг оролцсонгүй. Хуралд оролцсон төлөөлөгчидийн 67,7 хувийн саналаар С.Дангаасүрэнг Орхон аймгийн засаг даргад дэмжлээ. Өнөөдөр ерөнхий сайдад өргөн барьж батламжлуулах юм. С. Дангаасүрэн нь биеийн тамирын багш мэргэжилтэй улсын начин цолтой гэнэ.
NUUTS.mn
