Нууц мэдээллийн уурхай

Ц.Эрдэнэчулуун нь эхлээд үүрэг гүйцэтгэгчээр ажиллаж байгаад дараа нь НМХГ-ын даргаар жинхэлжээ. Тэрээр дарга болсноосоо хойш үндсэн ажилдаа бус харин хүний нөөцийн ажилд голчилон анхаарч ирсэн хэмээн халагдсан тамгын газрын дарга Н.О нь мэдэгдсэн гэнэ. Түүнийг Ц.Эрдэнчулуун нь албан үүргээ хангаптгүй биелүүлсэн гэх үндэслэлээр ажлаас халжээ. Гэхдээ нэлээд том арга хэмжээ буюу ажиллагаа зохиогдож байж халсан бололтой.  Болмон явдлыг сөхөхөд АТГ-ын ахлах комиссар Б.Энхтуяагаар ахлуулсан ажлын хэсэг 5 дугаар сарын 14-ний өдрөөс 20-ны өдрийн хооронд тус газар ажиллажээ. Ингээд 2014 оны 7 дугаар сарын 02-ны өдөр Авилгатай тэмцэх газраас хуулийн хэрэгжилтийг хангуулах тухай 5 заалт бүхий албан бичиг ирүүлсэнийг тамгын газрын даргадаа таницуулаагүй байж. Уг албан бичигт зөрчил гаргасан этгээд нь Хан-Уул дүүрэг дэх Мэргэжлийн хяналтын хэлтсийн дарга М.Нямсүрэн, боловсролын хяналтын улсын байцаагч Ц.Нэргүй, Дэд даргын зөвлөлийн хурлыг удирдан хуралдуулдаг дэд дарга зэрэг албан тушаалтнуудын тухай цохон тэмдэглэсэн байж. Өмнөх жилүүдэд Авилгатай тэмцэх газраас ирсэн шалгалтын мөрөөр Дэд бүтцийн хяналтын хэлтсийн дарга, Экспорт импортийн хяналтын хэлтсийн дарга, Санхүүгийн хяналт шалгалтын улсын байцаагч зэрэг албан тушаалтнууд дээрх хүмүүсийн адил зөрчил гаргасан тул ажлаас нь чөлөөлөх, албан тушаал бууруулах хүртэл арга хэмжээ авч байжээ. АТГ-ын албан бичигт зөрчлийг 7 дугаар сарын 18-ны өдрийн дотор холбогдох буруутай этгээдэд арга хэмжээ авч хариу мэдэгдэхийг заасан гэнэ. Харин тамгын газрын ажлаас 7 дугаар сарын 10-ны өдөр халсан.  Ер нь  АТГ-аас ирсэн албан тоотын дагуу намайг ажлаас халснаас өөр ажил хийгдээгүй гэж тамгын газрын экс дарга гомдоллож. Харин  ч хэсэг улсын байцаагч, Дэд бүтцийн хяналтын хэлтсийн даргыг сургалтын өрөөнд оруулж тамгын газрын даргын талаар эсрэг зүйл бичиж өгвөл ажилтай чинь үлдээнэ гэж гар бичмэл цуглуулж миний эсрэг мэдээлэл гаргуулсан гэж тэрээр баталжээ. Ц.Эрдэнчулуун нь ажилтнуудынхаа ажилд хэт хутгалддаг арга барилтай бололтой. Тухайлбал: Төв лабораторийн химич Ш.Сэржханд, химич З.Зоригтхүүгийн оронд Алтанцэцэг, Энхчимэг нарыг ажилд авах тушаалын төсөл боловсруулах тухай үүрэг өгснийг тамгын газрын дарга  хүний нөөцийн мэргэжилтэн Г.Лхагвадуламд хэлж тушаал гаргуулсан. Тухайн үед Л.Эрдэнэчулуун дарга тушаал төлөвлөхөөс эхлээд тушаал жинхлэн гарах хүртэлх бүх шатны процессод оролцож байсан атал  даргыг буруу мэдээллээр хангасан хэмээх асуудлаар мэргэжилтэн Лхагвадуламыг дарамталж ажлаас нь чөлөөлсөн. Мөн үед архивын ажилтанаар Ц.Эрдэнэчулуун даргын туслах Ш.Гантуяа 40 хувь нэмэгдэл цалин авч давхар ажиллаж байгаад дараа нь боловсролын хяналтын улсын байцаагч болсон. 40 хувийн нэмэгдэл цалин авч байсан боловч ажлын байр /албан тушаал/-ны тодорхойлолтоор хангалтгүй биелүүлсэн Ш.Гантуяад арга хэмжээ авах санал тавьж байсан боловч дарга хөдлөөгүй гэнэ. /үргэлжлэл бий/
 

NUUTS.mn