Гацууртын ордын 20 хувь буюу Р.Жигжидийн “супер ухаан”
Уул уурханй сайд хэмээх Р.Жигжид Гацууртын ордын төрийн эзэмшлийн хувь хэмжээг 20 хувиас хэтрүүлэхгүй гэсэн харийнханд тал зассан байр суурьтай байна. Энэ хувь хэмжээг УИХ тогтоох агаад салбар хариуцсан сайд нь хамгийн дээд тал нь 34 хувь, гэхдээ 20 хувь нь л Монголд болно гэсэн мэдэглэ хийгээд сууж байгаа нь олон нийтэд огтхон ч ойлгомжгүй зүйл юм. Манай сайд нар гэж учиргүй ухаантай царайлан бүхнийг мэдэгчийн дүр эсгэж байгаад эцэст нь хамгийн тэнэг мулгуу шийдвэр гаргадагаараа алдартай улс. 50 тонн алтны нөөцтэй гэдэг нь тодоос тодорхой болчихсон ордны эзэн улс байж Монголын төр яагаад ердөө 20-хон хувь ээмшиж байгааг Р.Жигжидээс өөр хүн яагаад л ч ойлгохгүй. Ганцхан эрхэм сайдтай л ойлгоод байгаа бөгөөд үүнээс илүү сайн гарц байхгүй болж таарч байгаа аж. Энэ ордыг аль хэдийн манайх болсон гэж зарлаж байгаа “Сентерра Гоулд Монголиа” компани ордыг ашиглаж эхэлснээр 5 хүртэлх тонн алтыг олборлох боломжтой гэдгээ мэдэгджээ. Мөн 10 жилийн хугацаанд олборлолт явуулж гурван их наяд төгрөгийн борлуулалт хийж үүнээсээ 660 тэрбум төгрөгийн татварыг Монгол Улсад төлнө гэсэн санал тавьсан сурагтай. Гэхдээ канад-жүүдийн хамгийн зальт ухааны цуглуулга болсон тэдэнд итгэх аргагүй. Бороогийн алтыг мөн л 10 жил олборлоно гэж байгаад 3-хан жилийн дотор цөлмөөд дуусгасан. Одоо эд нартай маш хатуу гэрээ байгуулж алтный ордны эзэн хэн бэ гэдгээ харуулах хэрэгтэй. 50 тонн алттай ордоо гаргаж байгаа тал яагаад 20-хон хувь эзэмшдэгийг Р.Жигжид та тайлбарлаач…
NUUTS.mn
