Монгол-Оросын найрамдалд үнэт хувь нэмэр оруулагч Д.Загджав
ОХУ-ын Холбооны Хурлын Төрийн Думын гишүүн, Төрийн дум дахь Монголтой харилцах бүлгийн дарга, Шударга намын дарга С.М. Миронов өнгөрсөн амралтын өдрүүдэд манай оронд зочилжээ. Төрийн удирдлагуудаас Монгол Улсын Их Хурлын гишүүн, Монгол-Оросын парламентын бүлгийн дэд дарга Г.Батхүү хойд хөршийн Монголд “элэгтэй” гэх том даргыг хүлээн авч уулзсан. Г.Батхүү уулзалтын эхэнд ноён С.М.Мироновтой уулзаж буйдаа баяртай байгаагаа илэрхийлээд олон удаа уулзаж, уулзалт бүр үр дүнтэй байсныг дурдсан гэнэ. Олон уулзаж уулзалт бүр нь “үр дүнтэй” байсны гор нь Орос-Хятадыг холбох хийн хоолойн болон төмөр замын урсгал баруун зүүн талаараа Монголыг тойрох болсоноор гарсан даа. Манай төрийн гурван удирдлага их гүрний удирдагчидтай харилцах хэмжээний хүмүүс биш гэдэг нь харагдсан. Харин Х.Чойбалсан, Ю.Цэдэнбал нар тэдний дэргэд жижигхэн улсынхаа эрх ашгийг хамгаалж чаддаг байсан аугаа удирдагчид байжээ. С.М.Миронов нь Монгол Улсад ажиллаж амьдарч байсан хүний хувьд төдийгүй Төрийн Дум дахь Монголтой харилцах бүлгийн даргын хувиар манай шинэ удирдлагын байр суурийг албан бус байдлаар тандах гэж иржээ. Оросын том даргаас Оросын ард түмний үнэнч анд Д.Загджав огтхон ч салаагүй. Тэрээр Украйны асуудлаар эхнээс нь эхлэн Москвагийн байр суурийг тууштай дэмжиж ирсэнийг оросууд их үнэлдэг гэнэ.
NUUTS.mn
