Нууц мэдээллийн уурхай

Дэлхийн цорын ганц бүргэдчин охин Монголоос тодорлоо хэмээн баахан шуугисан. Тэгвэл дэлхийн цорын ганц бүргэдчин бас дээр нь парлементийн гишүүн эмэгтэй бас манайхаас төржээ. УИХ-ын гишүүн, “Монос”-ын Л.Эрдэнэчимэг алс баруун хязгаар Алтайд бүргэдээр ан хийж бор туулай бариулсан гэнэ. Нэгэнт ан хийж ганзагаа мялаасан тул эрхэм гишүүнийг  бүргэдчин гэхээс аргагүй. Тэр тусмаа “ангийн түрүү” бор халзан туулайгаар мялааж. Гэтэл өөр нэг зурган дээр өнөөх бор туулайн үр төл бүжинг энхрийлэн тэвэрсэн байх нь амьтны амь тасалдаг ”нүгэлтэн” гэмээргүй харагдах юм. УИХ-ын гишүүдийн биед буг бурхан хоёр хамт оршдог аж. Наашаа харахаараа эх орондоо хайртайгаа гайхдаг цаашаа харахаараа эх орноо огтхон ч эргэлзэлгүй худалддаг.  Уг нь эм хүн амьтны амь таслахыг цээрлэдэг уламжлалтай ард түмэн юмсан. Гэтэл УИХ-ын гишүүн бол ямар ч цээр хорио байсан түүнийг давж алхаж болдог болжээ. Ийнхүү эмс хүүхнүүд амьтны амь тасалж зугаацдаг цөвүүн цаг ирж байна.

 

NUUTS.mn