Фейсбуукд нөхөртөйгээ холбогдсон хүүхний зургийг тавиад “40 гарсан хөгшин янхан” гэж бичжээ
Нийтэлсэн: 2015-02-06 10:02:46
.jpg)
Дүүргийн Эрүүгийн хэргийн анхан шатны 2 дугаар шүүх Эрүүгийн хуулийн тусгай ангийн 110 дугаар зүйлийн 110.1 дахь хэсэгт заасан гэмт хэрэгт холбогдуулан сэжигтнийг яллагдагчаар татах тогтоолыг баталж ирүүлсэн эрүүгийн хэргийг шийдвэрлэсэн нь олон нийтийн цахим хэрэгслээр хүнийг гутаан доромжилсон гэх анхны хэрэг байсан гэнэ. Энэ хэрэгт холбогдогчоор татагдсан иргэн нь Эрдэнэт хотод төрсөн, 34 настай, халх, эмэгтэй, дээд боловсролтой, мэдээллийн системийн инженер мэргэжилтэй, эрхэлсэн тодорхой ажилгүй, ам бүл 4, нөхөр, хүүхдүүдийн хамт, Баянгол дүүргийн 1 дүгээр хороо, Алтай хотхоны ….. тоотод оршин суух, Т. О-Э байсан гэнэ. Тэрээр 2014 оны 6 дугаар сарын 16-ны өдөр иргэн Ш.О-гийн нэрээр “Facebook” хаяг нээж зургийг нь тавиад “Энэ бол эхнэр, хүүхэдтэй хүнтэй явалддаг 40 гарсан хөгшин янхан Ш.О”, “40 гарсан хөгшин янхан” гэж тайлбар бичин олон нийтэд түгээж доромжилсон гэмт хэрэгт холбогджээ. Эрүүгийн хуулийн тусгай ангийн 110 дугаар зүйлийн 110.1 дахь хэсэгт заасан гэмт хэрэг нь доромжилох гэж байдаг. Шүүх хэргийг хаалттай хэлэлцсэн тул илүү дэлгэрэнгүй мэдээлэл өгөх боломжгүй байна.
NUUTS.mn
