Д.Ганбат гишүүн "Монгол бичиг араб бичгээс эхтэй" гэдгийг баталжээ
Өнөөдөр УИХ-ын чуулганы хуралдаанаар Монгол хэлний тухай хуулийн төслийг хэлэлцсэн. Баянхонгороос сонгогдсон гишүүн Б.Ганбат “Эдийн засаг хүнд байхад энэ хуулийг хэлэлцэх шаардлага байна уу. Өнгөрсөн улирсантай зууралдаад байвал урагшаа явахгүй. Өмнөх түүхээ тодорхой хэмжээнд ярья. Бид тэртэй тэргүй том үндэстэн шүү дээ. Том бодлого явуулах ёстой. Математик, физик зэргийг илүү хөгжүүлэх учиртай. Хүүхдүүдээ яаж зовоох гээд байгаа юм бэ. Бакей гишүүнээс асуу л даа. Олонд таалагдах гээд л ийм юм яриад байна. Араб бичгээс эх аваад, Уйгаржингаар дамжаад ирсэн бичгийг Монгол бичиг гэж ойлгож болох уу” гэв. Эх түүхээ ийм хэмжээнд мэддэг хүн Их хуралд суудаг аж. Тэрээр энэ мэтээр өөрийгөө сурталчилахдаа гарамгай. Өнгөрсөн оныд Шүүхийн Ерөнхий зөвлөлийн бүрэлдэхүүнийг томилох асуудал хэлэлцэж байхад “нэр дэвшигчдийн дунд яагаад манай аймгийн хүн байхгүй байна вэ ?” хэмээн маш “хариуцлагатай”-гаар асууж байсан удаатай.
NUUTS.mn
