Нууц мэдээллийн уурхай

Хоюулаа цэцэгээр төгссөн гоё нэртэй найз хүүхнүүд 14 мянган төгрөгний баарны өрнөөс болж муудалцан зодолдоод шүүх цагдаадаа хүрчээ. Б нь болсон ядлыг мэдүүлэхдээ “…шөнө 24 цаг өнгөрөөд “Аяс” нэртэй караоке бааранд орсон ба өмнө нь “Соронз” баарны бармен байхад нь танилцсан Т  болон түүний найзуудтай тэнд тааралдаж хамт суусан. Би нэг шил архи даруулга авч тэдэн дээр орохдоо мөнгөө төлсөн. Тэнд сууж байгаад тарцгаахад тухайн баарны бармен тэдний авсан пивоны мөнгө 14000 төгрөг байна гэхэд нь энэ тухай Т рүү утсаар ярьж мөнгөө төлөөч гэхэд чи төлчихөөч гээд бид маргасан. Намайг гэртээ орохоор явж байхад Т ирээд намайг  үсдэж  унагаад дээр суугаад толгой руу алгадсан. Би биеэ хамгаалах гэж түүнийг маажсан. Аллаа гэж орилоход ээж ирж миний дээрээс Т  татаж босгосон” гэжээ. Түүний ээж нь энэ зодоонд бас оролцсон гэнэ. Тэрээр  “Шөнийн 03 цагийн үед охин Б байрны гадаа “аллаа” гэж хашгирсан тул би цонхоор харахад 2-р байрны гадаа Т гэгч нь охины маань дээр суучихсан хоёр талд нь хоёр хүн зогсож харагдсан. Би Т-гийн куртикны хормойноос татаж босгосон. Би түүнийг үснээс нь зулгаагүй, газар унагааж чирээгүй намайг гүтгэж байна” зодсоноо үгүйсгэжээ. Харин нь Т нь “Аяс” нэртэй караоке бааранд найзуудтайгаа суусан ба Б нэг шил архи 10-аад пиво  авчихсан бидэн дээр орж ирээд сууж байгаад бид явсан. Бид нэгнийгээ хүргээд явж байхад баарны ажилтан утасдаж та нар цагийн хөлс болон пивоны тооцоо хий гэхэд нь буцаж очоод дараа төлье гээд гарсан.  Үүнээс хойш  Б над руу залгаж чи хүн шулж байна,чамайг, ажлын газар, нөхрийн чинь зурагтай facebook-д тавина гэж дарамталсан. Би учраа олох зорилгоор чи хаана байна гэхэд “2-р байрны буюу гэрийнхээ гадаа байна гэхээр нь очиход сандал дээр сууж байсан Түүнд  facebook-т тавина гээд юу яриад байна гэхэд яадаг юм бэ гээд миний үснээс зулгаасан. Би ч  тавиулахаар үснээс нь зулгаахад тавьчихаад миний нүүрийг базсан. Дахин үсдэлцээд байж байтал ээж нь нүүрний зүүн талаас тасхийтэл цохиод үснээс татаж унагаад газар чирсэн” гэж мэдүүлсэн гэнэ.

 

NUUTS.mn