Эрээний захад СТА тэмдгийг 60 юаниар зарж байна
Нийтэлсэн: 2015-02-05 05:37:29
Хамгийн их хүндлэлтэй байх учиртай монгол төрийн одон медалийн үнэ цэнэ шалдаа буужээ. Үүний буруутан нь үе үеийн эрх баригчид агаад улстөрийн нам, фракцийн сонирхолоор өөрт үнэнч эсэх эсвэл сонгуулийн сурталчилгааны зүтгэл зэрэг цөөхөн үзэмж шалгуураар тараасаар сүүлдээ бүр хавтгайрсан. Оны өмнөхөн төрийн тэргүүн 140 хүнд “Алтангадас” өгсөн бол ССАЖЯ-ны ТБНД асан П.Алтангэрэл нь албан тушаалаа өгөхөөс өмнө СТА тэмдгийг тараах шиг болсон. Сайд асан хатагтай нь өөрөө өөртөө тушаал гараад гарын үсэг зураад СТА өгч байсан гээд онигоо шиг явдлыг тоочоод барахгүй. Төрөөс СТА авах нь ийм хялбархан болсон хойно Эрээнд тэмдгийг нь бөөндөж байгаа нь аргагүй биз. Эндхийн захад Монгол улсын СТА-ны тэмдгийг 60 юаниар зардаг бөгөөд бөөндвөл 50-д өгдөг гэнэ. Арай л тэмдгийг үнэмлэхтэй нь хамт зарахгүй байна. Хэрвээ энэ янзаараа бол хэдхэн жилийн дараа СТА тэмдгийг Монголын Соёлын яамнаас бус харин Эрээний Ардын засгийн газрын соёлын хорооноос нь авдаг болж магадгүй нь…
NUUTS.mn
