“ХААН ГЭР” рестораны өргөтгөл бүрэн шатжээ
Нийтэлсэн: 2015-02-05 01:58:15
Өчигдөр болсон гэнэтийн гал түймрээр “Модерн Номадс”-ын сүлжээ ресторануудын нэг нь “Хаан гэр” грилл рестораны өргөтгөл бүрэн шатжээ. Энэхүү зоогийн газар нь анх 2003 оны 7-р сард монгол үндэсний уламжлалт хоолыг орчин үеийн технологоор бэлтгэж боловсруулан ард иргэдэд үйлчилж эхэлсэн. “Модерн Номадс”-ын сүлжээ ресторануудын эзэнийг М.Есөнмөнх гэдэг. Тэрбээр монголын тэргүүн 100 баяны жагсаалтын 82 дугаарт 20 сая ам.долларын хөрөнгөөрөө жагсдаг. Оюутолгойд ханган нийлүүлэлт хийдэг “Модерн Номадс”-ын цаад “эзэн”-ийг УИХ-ын гишүүн С.Баярцогт гэх хардлага байдаг. Тэрээр Сангийн сайд байхдаа “Оюу толгой” компанитай хөрөнгө оруулалтын гэрээг үзэглэж “Модерн номадс” сүлжээ хоолны ресторанаа сонгон шалгаруулалтад тэнцүүлж “Оюу толгой”-н орд, Өмнөговийн Цогтцэцийн суманд ресторанынхаа салбарыг нээсэн. “Оюу толгой”-н нэг ажилчны өдрийн хоол хамгийн багаар бодоход 30 ам.долларын үнээр бэлддэг гэнэ. Энэ том компаний 3000 илүү ажилтан, ажилчдын хоол хүнсийг “Модерн номадс” компани хариуцан дангаараа нийлүүлдэг гэсэн.
NUUTS.mn
That insight solves the prboelm. Thanks!