Нууц мэдээллийн уурхай

Монгол Улсын Ерөнхийлөгчийн орон тооны зөвлөх Э.Зоригтыг ХЗЯ-ын Төрийн захиргааны удирдлагын газрын даргаар томилж байгаа тухай эх сурвалж мэдээллээ. Тэрбээр Байгаль орчин, амьдрах орчны бодлогын зөвлөхөөр ажиллаж байсан юм. Э.Зоригт нь 1968 онд төрсөн. Нийслэлийн 33-р дунд сургууль /1985/, Москва хотын Хилийн цэргийн Улс төрийн дээд сургуулийг /1991/ төгссөн. “Сэрэлт-Оч” компанийн захирал /1998-2003/, 2003 оноос “УБ синема” ХХК-ийн дэд захирлаар ажиллаж байгаа. 2007 оны дөрөвдүгээр сараас одоог хүртэл Ногоон намын Гадаад асуудал хариуцсан даргын албан тушаал хашиж байгаа. Орос, англи хэлтэй нэгэн юм байна. Тэрээр “УБ Синема”-д ажиллаж байхдаа кино урлагт орсоноос гадна “Тэнгис” кинотеатрын хувьчлалын талаархи нарийн ширийнийг сайн мэдэх хүн гэгддэг. Хувьдаа киностудитэй. ХЗ-н сайд Д.Дорлигжавыг ЕТГ-ын дарга байх үеэс удирдлаганд нь ажиллаж байсан ч хуульч мэргэжлийн хүн биш гэнэ. Ийнхүү мэргэжлийн бус хүн ХЗЯ-ны гол газрын даргаар томилогдож байгаа анхны тохиолдол энэ болжээ.
 

NUUTS.mn