Монгол дарга нарын муухай зан…
Монголын дарга нар ард иргэдээ Хятадын цагдаа хятад өвөрмонгол хүнийг ялгаварлан харьцдаг шиг ханддаг болжээ. Урд хөршид өвөрмонгол хүний хичнээн зөв байсан ч цагдаа дээр очоод хятадынх нь зөв болоод дуусдаг. Тэгвэл монгол дарга нар иргэдээ надад хэрэгтэй хэрэггүй, миний нэр хүндэд тустай тусгүй гэж ялгадаг болж. Энэ нь ялангуяа орон нутгийн дунд түвшний дарга нарын хүрээнд тод харагддаг. Монголын иргэн гурван сая хүрэх мөчид орон нутгийн дарганцарууд ард иргэддээ хайртайгаа харуулах гэж дөнгөж төрсөн нялх хүүхэдтэй айл нялх биетэй эмэгтэйн гэрийн үүд хаалгыг амраагаагүй гэдэг. Тэгвэл бас Дорноговь аймгийн хурган дарга нар гэртээ хэвтрийн хоёр хөгшинтэйгөө хамт маш хүнд нөхцөлд шаналан зовж байсан энэ иргэнээ тоож харах нь битгий хэл ойшоож ч үзээгүй. Хэвлэл мэдээллээр олон нийтэд хүрсэн тулдаа л хөөрхий залууг хотод авчирах, эмнэлэгт үзүүлэх зэрэг ажлыг дарга нарых нь өмнөөс сайхан сэтгэлтэй хүмүүс хийсэн. Хэрвээ Өмнөговийн нэг иргэн хэвтэрд зовж шаналж байна гэвэл дарга нар нь ингэж сүрэглэн ирэх болов уу…
NUUTS.mn
