УИХ дахь эмэгтэй гишүүдийн бүлгээс хийх хамгийн “ажил хэрэгч” ажил
.jpg)
Монголын парламентед анх удаа эмэгтэй гишүүдийн бүлэг байгуулагдсан гээд сүржигнээд байсан ч хийсэн гэж ажилгүй удлаа. Энэ бүхэн хоосон шоу гэдгийг хошин шогийн хоёр эмэгтэй жүжигчний хийсэн ажилтай харьцуулахад л мэдэгдэнэ. Хоёр жүжигчин бүсгүйтэй жишихийн аргагүй эрх мэдэлтэй, хөрөнгө мөнгөний бололцоотой мөртлөө бид хийсэн гээд хэлчих ажил байхгүй байгаа нь ёстой “санаа сохор бол нүд сохор” гэгчийн үлгэрээр орж. Оны өмнөхөн эмэгтэй гишүүдийн бүлэг машины тусгай зогсоол нэхэж байсан. Тэгвэл эмэгтэй гишүүдийн хийж байгаа дараагийн том ажил нь энэ гэнэ. УИХ-ын гишүүдийн эцэг эхийг сар шинийн баяраар хүлээн авах том “төсөл” удахгүй хэрэгжих аж. Гэтэл гишүүд ердөө тангараг өргөснийхөө маргааш л эцэг эх гэр бүлээ төрийн ордоноор аль хэдийнээ “аялуулчихсан” байдаг. Төрийн 9 хөлт цагаан тугийн дор гэр бүлээрээ авахуулсан зураг бараг гишүүн бүрийн өрөөний хананд өлгөөстэй харагддаг. Ийнхүү монгол төрийг “мэргэн ухаалгаар” барьж байгаа “супер 76”-г төрүүлсэн эцэг эхийг нь хүндэтгэн Төрийн ордон бүтэн өдөр “пижигнэх” гэнэ. Үүнээс ганц гялтайх юм нь арга хэмжээний зардлыг нь УИХ-ын тамгын газраас бус гишүүдийн өөрсдийнх нь төсвөөс гаргах аж. Гэхдээ тэр ч бас улсын л мөнгө дөө…
