Гэртээ хонуулсангүйд уурлан хамт уусан хүмүүсийнхээ машины толийг хугалж хариугаа авчээ
Нийтэлсэн: 2015-01-30 09:35:58
.jpg)
Дундговь аймгийн харьяат, жүжигчин мэргэжилтэй, А.С нь 2014 оны 9 дүгээр сарын 25-наас 26-нд шилжих шөнө иргэн Б.Н-тэй маргалдсаны улмаас Баянгол дүүргийн 7 дугаар хорооны нутаг дэвсгэрт байрлах 38 дугаар байрны гаднах зогсоол дээр тавьж байрлуулсан байсан иргэн Ш.Б-гийн эзэмшлийн Приус-20 маркийн автомашины 2 ширхэг толийг хугалж 300.000 төгрөгийн, иргэн Э.Б-гийн Тина маркийн автомашины жолооч талын нэг ширхэг толийг сууриар нь хугалж 300.000 төгрөгийн, иргэн Т.Д-гийн эзэмшлийн приус-20 маркийн автомашины жолоочийн эсрэг талын 1 ширхэг толийг сууриар нь хугалж 80.000 төгрөгийн, иргэн Ж.Г-гын эзэмшлийн приус-20 маркийн автомашины 2 талын толийг хугалж 520.000 төгрөгийн, иргэн Э.А-гийн эзэмшлийн кроун маркийн автомашины жолоочийн эсрэг талын 1 ширхэг толийг хугалж 180.000 төгрөгийн, иргэн С.-гийн шкода маркийн автомашины жолоочийн эсрэг талын 1 ширхэг толийг хугалж 400.000 төгрөгийн, иргэн Б.Н-гийн Хонда маркийн автомашины зүүн талын 1 ширхэг жижиг, 1 ширхэг том толь хугалж 170.000 төгрөгийн хохирол тус тус учруулсан гэмт хэрэгтээ хоёр жилийн тэнсэн харгалзах ялаар шийтгүүлжээ. Гайхалтай нь тэдний зарим нь хамт архи уусан хүмүүс байсан гэнэ. Гол хохирогч Б.Н нь “Бид нар 2 шил 0.75 граммын архи хувааж уусан. Орой 23 цагийн орчим С бид хоёр манай гэр лүү орно гээд лифтээр явж байхдаа би гэрт манай эхнэр хүүхэд байгаа чи харьж амар гэж хэлэхэд С уурлаад явсан. Тэгж гарч явахдаа миний Хонда маркийн автомашины толийг хугалсан байсан” гэж мэдүүлжээ. Хэрэгтэн ч үүнийг хүлээн зөвшөөрч “бид архи уусан, тэгээд Н нь манайд хоно гэхээр нь гэрт нь очтол түлхүүр алга гэсэн. Тэгээд бид хаалгыг нүдтэл Н агсам тавьж эхэлсэн ба би муудалцаж гараад уурандаа хэд хэдэн автомашины толийг хугалсан” гэсэн гэнэ.
NUUTS.mn
