Нууц мэдээллийн уурхай

Согтуугаар жолоо барьж явсан ШУТИС-ийн оюутан замын цагдаад хүч хэрэглэн мөргөж унгасан хэрэгтээ нэг жилийн тэнсэн харгалзах ял авчээ. 1992 оны 12 дугаар сарын 18-ны өдөр Хэнтий аймгийн Бор-Өндөр суманд төрсөн, 22 настай, эрэгтэй, бүрэн дунд боловсролтой, Шинжлэх ухааны техникийн их сургуулийн 4 дүгээр дамжааны оюутан Б.У нь ь 2014 оны 11 дүгээр сарын 27-нд шилжих шөнө Чингэлтэй дүүргийн 6 дугаар хорооны нутаг дэвсгэрт согтуугаар 60-61 УНЛ улсын дугаартай приус 20 маркийн тээврийн хэрэгсэл жолоодож яваад Чингэлтэй дүүрэг дэх Замын цагдаагийн тасгийн цагдаа зохицуулагч Б.Б-г хуулиар хүлээсэн үүргээ гүйцэтгэж байхад нь хүч хэрэглэн эсэргүүцэж бие махбодид нь хөнгөн гэмтэл учруулсан гэмт хэрэгт холбогджээ.    Хохирогч Б.Б нь “...Би Чингэлтэй дүүргийн Замын цагдаа, зохицуулагчаар ажилладаг юм. 2014 оны 11 дүгээр сарын 26-ны 18 цагийн үед ажилдаа ирж эргүүлд гарч ажилласан. Би Гэрэл төвийн арын зам дээр 2014 оны 11 дүгээр сарын 26-ны өдрийн 18 цагаас 11 дүгээр сарын 27-ны өдрийн 08 цаг хүртэл эргүүлийн үүрэг гүйцэтгэсэн юм. 2014 оны 11 дүгээр сарын 27-ны шөнө 03 цаг 30 минутын үед 60-61 УНЛ улсын дугаартай Приус 20 маркийн автомашиныг зогсоон шалгахад жолооч нь архи, согтууруулах ундааны зүйл хэрэглэсэн байсан юм. Машиныг нь зам чөлөөлж зогсоогоод драгер үлээлгэхэд 1.48 хувийн согтолттой гарсан юм. Жолооч нь У гэж байсан ба түүний жолооны үнэмлэх болон машины бичиг баримт нь бүрэн байсан учраас машины эрүүл жолооч дуудаад бариулаад явж болно гэж хэлэхэд надад дуудах хүн байхгүй, би өөрөө машинаа барьж явахаас өөр аргагүй, би машинаа барьж явах юм бол хүн дайрч ална гэхээр нь түүний машиныг нь журмын хашаа руу ачуулахаар болоод ачигч машин дуудуулсан юм. Тэгэхэд  У гэх жолооч намайг “хүн чанаргүй п-да” гээд ирээд заамдаад авахаар нь зөрүүлээд бариад авахад шууд нүүр рүү мөргөчихсөн юм. Тэгхээр нь түүнийг хамт үүрэг гүйцэтгэж байсан зохицуулагч Мөнхбат, Сэргэлэнбаатар нарыг дуудаад барьж аваад эрүүлжүүлээд машиныг нь журмын хашаа руу ачуулж саатуулсан юм” гэжээ.
 

NUUTS.mn