Нууц мэдээллийн уурхай

Улаанбаатар хотын Засаг даргаар ажиллаж байсан Ц.Батбаяр тухайн үед Монгол Улсын Ерөнхийлөгчөөр сонгогдон ажиллаж байсан Н.Энхбаяр, Нийслэлийн өмчийн харилцааны газрын орлогч дарга Д.Дуламсүрэн нартай бүлэглэн Нийслэлийн Иргэдийн Төлөөлөгчдийн хурлын Тэргүүлэгчдийн 2007 оны 10 дугаар сарын 17-ны өдрийн 188 дугаар тогтоолыг гаргуулан, үүнийг үндэслэж Нийслэлийн Засаг даргын 2007 оны 11 дүгээр сарын 7-ны өдрийн 555 дугаар захирамжийг гарган 605.000.000 төгрөгийн үнэлгээтэй “Өргөө зочид буудал” НӨҮГ-ыг татан буулгаж, сонгон шалгаруулалтгүйгээр нийслэлийн өмчийн 25 хувь, “Хар дун” ХХК-ийн 75 хувийн оролцоотой “Дун-Өргөө” ХХК байгуулах нэрийдлээр “Өргөө зочид буудал” НӨҮГ-ын 453.750.000 төгрөгийн эд хөрөнгийг, Монгол Улсын ерөнхийлөгч Н.Энхбаярын хүү Э.Батшугарын нэр дээр байгуулсан “Хар дун” ХХК-ийн өмчлөлд шилжүүлэн, улмаар уг компанийг Монгол Улсын Ерөнхийлөгч Н.Энхбаярын үүсгэн байгуулсан хэрэгт холбогдон 2.3 жилийн хорих ялаар шийтгүүлэн биечлэн эдэлж байна. Энэ хэрэгт МАН-ын дарга М.Энхболд, алдарт Т.Бадамжунай, МАН-ын гишүүн, УИХ-ын гишүүн Ц.Дашдорж болон Ш.Раднаасэд гээд Ардын намын элит давхаргынхан бүгд гэрчээр дуудагдан байцаалт өгчээ. Намын дарга М.Энхболд нь гэрчээр байцаагдахдаа  Ц.Батбаярын үйлдлийг буруутгасан мэдүүлэг өгчээ. Тэрээр мөрдөн байцаалтад  “…”Өргөө зочид буудал”-ыг “Хар Дун” ХХК-тай хамтарсан компани байгуулахад өмчийн харьцаа 51:49 ч бай, 75:25 ч бай хамтарсан аж ахуйн нэгжүүдийн хувьд төсөл сонгон шалгаруулалт явуулж хэвлэл, сонинд зар өгч тодорхой шалгуур хангасан хөрөнгө оруулалт хийх тийм боломжтой шаардлагыг хангасан аж ахуйн нэгжийг сонгон шалгаруулалтын зарчмаар сонгох ёстой... ” гэсэн мэдүүлэг /хх-15-н 61-63/ өгсөн гэнэ. Харин Ц.Батбаяр нь  хэвлэл мэдээллийн хэрэгсэлд зар өгөөгүй, тодорхой шалгуур хангасан, санхүүгийн боломжтой компаниудыг оролцуулан  сонгон шалгаруулалтын зарчмаар ажиллаагүй болж таарчээ. Дараагийн удаад Ардын намынхан хэрхэн Ц.Батбаяр луу буруугаа чихэж өөрсдийгөө цэвэрхэн аваад гарсаныг цувралаар хүргэнэ.
 

NUUTS.mn