Баян-Өлгийчүүд “Босго тотго” киног эсэргүүцэж байна
МҮОНРТ-ээр “Босго тотго” гэдэг түүхэн уран сайханы кино гарч байна. Энэ олон ангит киног гарах үеэс нь л “түүх ч үгүй уран сайхан ч үгүй” кино хэмээн шүүмжлэлд өртсөн. Жүжигчдийн сонголт, сонгосон хэдийх нь тоглолт гэж үнэндээ халтуурдсан. ХХЕГ-ын захиалгаар бүтээгдсэн энэ кинонд төсвийн 378 сая төгрөг зарцуулжээ. МҮОНРТ энэ киног “Тэжү” гэх компаниар 297.4 сая төгрөгөөр хийлгээд 80.6 сая төгрөгийг нь өөртөө “унагасан”. Энэ мэтээр шт шатандаа “хэмнэгдсэн” кинонд нь үндэсний нэгдмэл байдлыг алдагдуулсан, казак түмний түүх, ёс заншилыг тохуурхсан, хүүхэд залуусд Монгол улсынхаа нэг үндэстний талаар илт буруу ойлголт төрүүлсэн “бүтээл” болсон талаар Бяан-Өлгийчүүд А.Бакей гишүүнд олонтоо гомдол гаргаж. Мөн энэхүү “бүтээлийг” МҮОНРТ удаа дараа давтан гаргасаар байгаад нь бухимдаж байгаагаа илэрхийлж. А.Бакей гишүүн МҮОНРТ-д шаардалга хүргүүлж энэ киноны гаргалтыг нэн даруй зогсоохыг шаарджээ. Ийнхүү төсвийн 360 сая төгрөгөөр түүхийн хувьд маргаантай, уран сайхны хувьд муу бүтээл хийж “тоглоод хаясан” аж.
NUUTS.mn
