Нууц мэдээллийн уурхай

МХБХ-ны ерөнхийлөгчийн сонгууль удахгүй болно. Нэр дэвшигчид ч тодорсон. Гэхдээ хөлбөмбөгийн халуун тогоон дотор янз бүрийн юм болоод эхэлжээ. Энэ нь одоогоор холбоог тэргүүж байгаа Ерөнхийлөгчийн үүрэг гүйцэтгэгч А.Ганбаатар, ЕНБД-ын үүрэг гүйцэтгэгч Ө.Шижир нартай холбоотой гэж “сөрөг хүчин” нь үзэж байна.  Хөлбөмбөгчдийн түр хорооны баталж байгаагаар өнгөрсөн хугацаанд МХБХ-ны Ерөнхийлөгчийн үүрэг гүйцэтгэгч А.Ганбаатар, ЕНБД-ын үүрэг гүйцэтгэгч Ө.Шижир нарын үйл ажиллагаанаас харахад хөнжил дотроо дүрэм, журмыг өөрсдийнхөө зоргоор засдаг ёс зүйгүй нөхдүүд болох нь илчлэгдсэн гэнэ. Тэр бүү хэл орон нутагт байгаа Аймгийн ардчилсан залуучуудын холбоогоор дамжуулж аймаг бүрт өөрийнхөө захиалгат салбар холбоодыг байгуулах ажлыг идэвхитэй хийсээр байгаа нь орон нутгийн хөлбөмбөгчдөөс ирсэн олон баримтаар нотлогдоод байгаа юм.  Ерөнхийлөгчийн үүрэг гүйцэтгэгч А.Ганбаатар, ЕНБД-ын үүрэг гүйцэтгэгч Ө.Шижир нарын анх уулзсан газар нь Монгол Улсы  Ерөнхийлөгчийн PR штаб гэдгийг тэд онцолж байна. 2013-ны МУ-ын Ерөнхийлөгчийн сонгуулиар А.Ганбаатар Ц.Элбэгдоржийн PR штабын даргаар ажиллаж түүний удирдлага дор Ө.Шижир нь "ЛАЙК" хөтөлбөрийг нь ахалж ажиллаж байсан. Мөн Ө.Шижир нь Ардчилсан залуучуудын холбооны Дэд Ерөнхийлөгчөөр ажилладаг гэнэ. Хөлбөмбөгчдийн нэгдмэл байдал А.Ганбаатарын дургүйг ихэд хүргэж байгаа бололтой.  Янз бүрийн байдлаар хөлбөмбөгийн ертөнцийнхөнд цалин хөлс, албан тушаал амлаж, зарин нэгэнд нь бүүр албан тушаалыг нь өгч, тохиролцохыг санал болгосоор байгаа тухай яригдаж эхэлжээ. Харин Хөлбөмбөгчдийн түр хорооны дуу хоолойг нь хүргэх талаар нэлээд саадтай учирч.  Уржигдар л гэхэд 10 гаруй телевиз ирж ярилцлага авсан ч аль ч сувгаар гараагүй тухай гомдоллож байна.
 

NUUTS.mn