Нууц мэдээллийн уурхай

Өдгөө МИАТ-ын Бодлого төлөлвлөтийн газрын даргаа ажиллаж байгаа Ц.Бат ЗТ-ийн сайд асан А.Гансүхийн талаар 5700 удаа твиттерд жиргэснийг сайдын цэргүүд тоолоод тогтоочихсон байжээ.  Тэрхүү олон жиргээнээс сайдыг хамгийн их гомдоож “эмзэглүүлсэн” нь “Гансүхийн МИАТ-д шахсан 20 гаран хүнээс гадныхантай яриад бизнес явуулчих гар ганц ч байхгүй, МУИС-д цуг  сурч байсан Алиманцэцэг/ядаж байхад ямар ч гоё нэртэй юм бэ дээ/хүүхнээ 2.5 саяар цалинжуулж шахсан” гэсэн жиргээ байсан гэнэ. Нисэхийн мэргэжлийн нэр томьёог англиар ус цас шиг урсгадаг Ц.Батын дэргэд өнөөх шахааны хорь нь ёстой хөөтэй төлөг шиг амьтад байсан нь мэдээж хэрэг.. “Таны тэр хорин хүн чинь бизнесийн англи хэлний анхан шатны ч мэдлэггүй юм байна” гэдгийг МИАТ-ын Бодлого төлөвлөлтийн газрын даргын хувиар  А.Гансүх сайдад хэлж байсан хэмээн Ц.Бат шүүхэд мэдүүлжээ. Сайдтай хамт сурч байсан Алиманцэцэг гэдэг хүүхэн МИАТ-ын хуулийн хэлтсийн дарга болоод 2.5 сая төгрөгийн цалин авч байсан бололтой. Энэ хэргийн нэг сонирхолтой тал нь Твиттер нь олон нийтийн хэвлэл мэдээллийн хэрэгсэл мөн эсэх байлаа. Жиргээч хүнд сонин хэвлэл шиг редакц байр байхгүй, сэтгүүлч ажилладаггүй, хэвлэхээс өмнө хянан тохиолдуулах ажиллагаа явагдадгүй ч шүүх хэвлэл мэдээллийн хэрэгсэлтэй адилтган авч үзжээ. Тэгээд ч  ял авахгүй гэдэгтээ хэт итгэсэн жиргээч Ц.Бат шүүх хуралд ямар ч бэлтгэлгүй ирсэн гэнэ. Харин шүүх түүнийг өөрийн итгэл үнэмшлийг шалгаж нотлоогүйн дээр мэдээлэл нь өөрийн таамаглалд нь үндэслэгдсэн байна гэж  үзжээ. Шүүх хуралд жиргээнд дурдагдсан баримт үнэн гэдгийг нотлох нэг ч олигтой нотлох баримт авчирсангүй. Ганцхан СД сонсгосон ч бичлэгийг нь Эрүүгийн байцаан шийтгэх хуульд заасан үндэслэл журмын дагуу хийгээгүй, нууцаар хууль бусаар хийсэн, мөн бичлэгийн эх  сурвалжийг нь тогтоох боломжгүй хэмээн А.Гансүхийн өмгөөлөгчид эсэргүүцсэн тул нотлох баримтаар үнэлсэнгүй гэнэ. Ингээд олон нийтийн цахим сүлжээ болох Твиттерээр Засгийн газрын гишүүн, ЗТ-ийн сайд А.Гансүхийг албан тушаалтных нь хувьд онцлон нэр зааж нэр төр хүндийг нь гутаах зорилгоор илт худал гүтгэлэгийг олон нийтэд тараасан гэж буруутгагджээ. Сайдын ажил хэргийг нэр хүндийг гутаагүй юм гэхэд гэхэд “нийгэмд үнэлэгдэх үнэлгээг нь дордуулсан” болох нь тогтоогдсон тул жиргээч нөхөр Ц.Бат гурван сар арав хоног баривчлах ялаар шийтгүүлж байсан билээ. Гэхдээ сар гаруй л суусан.  
                                                                                                                                   
 

NUUTS.mn