Гудамж хааж зогслоо хэмээн гурван иргэний машины бүх дугуйг цоо хатгажээ
Нийтэлсэн: 2015-01-29 07:47:39
.jpg)
Сүүлийн үед машинаа гарц зам хаах бүр орцны хаалга хүртэл таглаж тавьсанаас иргэдийн хооронд зөрчил гарах болсон. Баянгол дүүргийн 11-р хороо, Баруун тасганы 2-47 тоотод оршин суух Х.И нь гудамж таглан тавьсан машин бүрийн дугуйг хагалсаар гурван иргэнд хохирол уруулжээ. Тэрээр 2014 оны 10-р сар 7-нд гудамжийг нь хааж тавьсан иргэн Н.О-гийн “Мицуибиши” маркийн машины дөрвөн дугуйг, 14 хоногийн дараа мөн л хүмүүсийн замыг хааж тавьсан иргэн Б.Б-гийн “Соното-6” маркийн машины гурван дугуйг, мөн тэр өдөртөө ахин гудамж хааж тавьсан иргэн Т.Ц-гийн “Ниссан сани” машины дөрвөн дугуйг шөвгөөр цоо хатгасан нь мөрдөн байцаалтаар тогтоогджээ. Түүнийг ажилдаа явах буюу ирэхэд нь хүн явдаг нарийн гудамжыг нь хаагаад машинаа тавьчихсан байдаг тул явах аргагүй мухарддаг байж. Үүнд уурсан гудамж хаасан машин болгоны дугуйг цоо хатгасан гэнэ. Шүүх Х.И-г нэг жилийн хорих ялаар шийтгэжээ.
NUUTS.mn
