Нууц мэдээллийн уурхай

Монголын нэр хүндтэй ууган сургуулийг мэргэжлийн өндөр чадвартай мундаг хүмүүс удирддаг гэдэгтэй маргахгүй. Гэхдээ тэдэнд хүн чанар хүний мөс бий юу гэдэгт эргэлзмээр хэрэг саяхан гарчээ. Боловсролын байгууллагад 28 жил тасралтгүй үр бүтээлтэй ажилласан, мөн тус сургуулиас тэтгэвэртээ гарсан ахмад багшид Боловсролын тухай хуульд заасан 24 сарын үндсэн цалинтай тэнцэх хэмжээний нэг удаагийн тэтгэмжийг нь өгөлгүй явуулжээ. Ахмад багш Б.Ч нь насаараа боловсролын салбарт зүтгэснээс Дархан хотын Усны аж ахуйн техникумын захирлаар 8 жил, Улаанбаатар хотын Барилгын коллежийн захирлаар 17 жил, ШУТИС-ийн Техникийн болон мэргэжллийн боловсрол, сургалтын албаны даргаар 3 тус тус ажиллажээ. Гэтэл насаараа боловсролын салбарт ажилласан ахмад багшид зохих хүндэтгэл ч үзүүлэлгүй нэг өдөр ажилдаа ирэхэд нь Ректорын б/69 тоот тушаалыг танилцуулаад маш яаравчилан ердөө маргааш нь хөдөлмөрийн гэрээг цуцалж ажлаас нь чөлөөлөн тэтгэвэрт нь гаргасан нь “соёлтой хөөлт” маягийн явдал болж. Ахмад багш Ректор, Проректор нартай уулзан Боловсролын тухай хуульд заасан тэтгэмжээ авах хүсэлтээ уламжилсэн ч “танд олгохгүй” хэмээн хариугүл тоомсорлосон байдалтай амаар өгч. ШУТИС-ын бусад багш нарт үйлчилээд байдаг тэтгэмж олгох заалт тухайлсан нэг ахмад багшид л үйлчилдэггүй нь хачирхалтай.  Ядахдаа олон жилийн хөдөлмөр бүтээл, насыг нь хүндлээд хүндэтгэлтэй харьцаж болох ч ШУТИС-ын өнөөгийн удирдлагын энэ мэт үйлдэл нь ахмад залуу багш нарын холбоог тасалж байгаа гэнэ.  Эрхэм Ректор, Проректор нар нь үнэхээр хууль журмаа барьдаг юм бол ирэх жилд  тэтгэвэрт гаргах багш нарын тоо судалгаа гаргаад олгох тэтгэмжийг нь төсөвдөө суулгах үүрэгтэй байсан. Гэтэл насаараа ШУТИС-д ажилласан ахмад багшийг хоосон шахуу хөөх шахуу гаргаж байгаа нь хуулиа мөрддөгүйн дээр хүний мөсөөр ямар хүмүүс энэ сургуулийн удирдлагад ажилладагийг харуулж бйна. Манай сайт дараагийн удаа ШУТИС-ын удирдлага ромбо тэмдэг хийлгэх нэрээр нэгэн компанийг хэрхэн чадсан тухай хүргэнэ.
 

NUUTS.mn