Өмнөговиос тодорсон 3 сая дахь иргэнийг 2 өрөө байраар мялаана
Монгол Улсын гурван сая дахь иргэн Өмнөговь аймгийн Даланзадгад хотод мэндэлсэн. Үүнтэй холбогдуулан аймгийн удирдлагууд гурван сая дахь иргэндээ хоёр өрөө байр өгөхөөр болжээ. Орон нутгийн удирдлага болон нутгийн ргэд баяр хүргэхээр цувж байгаа гэнэ. 3 сая дахь иргэний ээж Г.Аззаяа :
-Монгол Улсын гурван сая дахь иргэнийг төрүүлсэнд баяр хүргэе. Эх хүүхдийн биеийн байдал сайн уу?
-Баярлалаа. Бид хоёрын бие сайн байна. Эмнэлгээс гараад хоёр хонож байна.
-Охиндоо нэр өгч амжсан уу?
-Охиноо Х.Сэлэнгэ гэж нэрлэсэн. Будаанд хийж байгаад л сугалсан. Энэ нэр гарч ирсэн.
-Та одоо хэдтэй билээ. Та хоёр аль нутгийнх вэ. Ямар ажил эрхэлдэг вэ?
-Бид хоёр Даланзадгад хотын иргэд. Нөхөр маань хувиараа ажил хийдэг. Би 1992 онд төрсөн.
-Таны анхны төрөлт үү?
-Тийм ээ. 3-4 цаг л өвдсөн байх. Ямар нэг хүндрэл өгөөгүй. Өөрөөрөө төрсөн.
-Аймгийн чинь удирдлагууд гурван сая дахь иргэнд олгох урамшууллын талаар амласан зүйл байна уу?
-Одоогоор тийм зүйл байхгүй байна.
-Танай гэр бүлд эрүүл энх, аз жаргалыг ерөөе.
NUUTS.mn
