3 сая дахь иргэндээ Монголжин нэр хайрлалаа
Өнөөдөр Монгол Улс гурван сая дахь иргэнээ өлгийдөн авсан баярын өдөр өөө. Энэ бүх монголчууд монгол түмэн улам олуулаа болохын билэгдэл юм.Монгол Улсын Ерөнхийлөгч Ц.Элбэгдорж гурван сая дахь иргэнээр тодорсон бяцхан охинд Монголжин нэр хайрлажээ. Тэрээр “Хүний сайн, нутгийн сайхан цогцолсон Монгол Улсынхаа иргэн болж түмэн олныхоо магнайг тэнийлгэж төрсөн хүүхэд бүртээ төр түмнээ төлөөлөн чин сэтгэлийн сүүн мялаалга өргөе. Элбэрэл, ачлал дүүрэн ээж ааваа, өтгөс буурлуудаа, өрх гэрийнхнээ баярлуулан ирсэн бяцхан үрстээ баяр баярын дээдийг ерөөж, хамгийн сайн сайхныг хүсье. Эх Монгол орныхоо нэрийг дуурсгасан сайн хүн болж өсч торнихын өлзийтэй ерөөлийг өөд өөд нь өргөн дэвшүүлье. Их цагаан сүлдэндээ залбиран даатгая. Монгол түмний гал голомт үргэлж бадарч яваг ээ. Эх үрсийн бие сайн, түшиг ихт түмний минь буян заяа тэгш байг ээ. Монголын хүүхдүүд улам олуулаа болог ээ. Гучин буман Монголчууд минь эв бөх, хийморь өөдөө, эрх төгс, бүтээл арвин жаргаж яваг ээ. Түүх ихт төрийн минь сүлд тэнгэрийн тамгат Монгол үрсээ өнөд мөнх ивээх болтугай” гэжээ.
NUUTS.mn
