Вьетнам иргэд халдлагад өртжээ
Нийтэлсэн: 2015-01-28 02:12:42
.jpg)
Монголчууд “усыг нь уувал ёсыг дага” гэж ярьдаг. Гэтэл манай улсад байнга оршин суудаг хятад, орос, солонгосчууд хууль дүрэм санаатай зөрчих, Монголын ёс заншлыг гутаан дээрэлхсэн үйлдэл гаргах нь хэрээс хэтэрсэн. Сүүлийн үед вьетнам иргэдийн гаргадаг ёс бус үйлдэл олон нийтийн дургүйцлийг төрүүлсний харгайгаар хэсэг залуус эсэргүүцлээ гэмт хэргийн аргаар илэрхийлсэн нь буруу хэрэг болжээ. Баянзүрх дүүргийн 16-р хорооны нутаг дэсвгэрт орших вьетнам авто засварын газар руу Г гэх 25 орчим насны монгол залуу бусадтай бүлэглэн дайран орж, гурван вьетнам иргэнийг ажлаа хийж байхад нь халджээ. Улмаар зодож, мөнгө, гар утас гэх мэт биед нь байсан эд зүйлсийг дээрэмдсэн байна. Энэ хэрэг дээр Баянзүрх дүүүргийн цагдаагийн нэгдүгээр хэлтсийнхэн шалгалтын ажиллагаа хийсний үр дүнд тэднийг баривчлан саатуулаад байна.
NUUTS.mn
