Хятад сүүлчийн өвөрмонгол малчин амиа хорлон үхэхийг хүлээж байна
Дэлхин голлох хэвлэл мэдээллийн агентлагууд БНХАУ-ын Өвөрмонголын өөртөө засах орны Шилийн гол аймгийн Авга сумын 45 настай малчин Төмөр сумынхаа захиргааны үүдэнд өөрийгөө дүүжлэн амиа егүүтгэсэн хэрэг гарсан талаар мэдээлжээ. Тэрээр бэлчээр газрыг нь төр хууль бусаар булааж авсныг эсэргүүцэн ийнхүү амиа золиосолсон аж. Малчин Төмөр “Ядуусыг тэтгэх” гэх төслийн хүрээнд бэлчээрийг нь хурааж авсан захиргааны шийдвэрийг олон жил эсэргүүцэн тэмцсэн нэгэн байжээ. Түүнчлэн өчигдөр Өвөрмонголын төв Хөх хотын захиргааны ордны өмнө 300 гаруй өвөрмонгол малчин бэлчээр нутгийг нь эргүүлэн өгөхийг шаардан жагссан хэмээн мөн “Үаноо” мэдээлсэн байна. Хятадын засаг захиргаа хятад буюу хан үндэстэнд Өвөрмонголын бэлчээр газар, байгалийн баялгийг эзэмшүүлэх замаар монголчуудыг шахан гаргах бодлогийг сүүлийн 50 жил явуулж байгаа бөгөөд малчдын эрх шагийг хамгаалах ямар ч арга хэмжээ авахгүй гэдэг нь тодорхой болсон. Харин Өвөрмонголд болж байгаа үйл явдлыг дэлхий дахинаас нуун дарагдуулах замаар сонголчуудын амьжиргааны үндэс болсон бэлчээрыг бүрэн авах ажиллагааг тасралтгүй явуулж байна.
NUUTS.mn
