“Улаанбаатар” их сургуулийн оюутан бүсгүй насанд хүрээгүй хүнээс олсон хүүхдээ хаяжээ
Нийтэлсэн: 2015-01-27 06:30:51
.jpg)
Оны өмнөхөн Налайх дүүргийн 3-р хороонд байдаг “Баялаг Дэвшил” компаний хүнсний дэлгүүрийн үүдэнд хоёр сартай Б.Х охиныг хаясан хэрэг гарсан. Цагдаагийнхан шуурхай ажиллаж охины ээж нь болох “Улаанбаатар” их сургуулийн ойн инженерийн дээд сургуулийн оюутан, 22 настай Ч.Б нь энэ гэмт хэргийг үйлдсэн болохыг тогтоосон. Мөрдөн байцаалтын явцад охины аав нь насанд хүрээгүй хүн байсан нь мөн тогтоогджээ. Хэдий охины аав ч энэ хэрэгт гэрчийн хэлбэрээр оролцож. Насанд хүрээгүй гэрч Л.О нь “Ч.Б-гийн төрүүлсэн охин нь миний хүүхэд мөн, манай найз Жагаанаа энэ талаар надад хэлсэн, би хүүхдээ өөр дээрээ аваад өсгөх боломжгүй, ээжид нь бас тийм боломж байхгүй тул сайн айлд өргүүлсэн нь дээр” хэмээн “аавын санаагаа” хэлжээ. Уг нь Ч.Б нь төрсөнийхөө дараа хүүхдээ хүнд өргүүлэхээр хөөцөлдөж нэг айлтай тохироод байж. Гэтэл нөгөө айл нь гэнэтхэн танай охиныг манайд тохирохгүй гэж байна, бид болилоо гэсэн гэнэ. Ингээд ганцаараа амьдардаг оюутан бүсгүй яах ч аргагүй байдалд оржээ. Эцэст нь сүүлчийн аргаа хэрэглэж оройн 10 цагийн үед “Баялаг Дэвшил” үүдэнд сүү, живхны хамт охиноо тавиад хашааны өнцөгөөс харж байтал 40 орчим насны эрэгтэй хүн аваад дэлгүүрт орж гэнэ. Маргааш ирж шалгахад охин нь байсангүй. Гэсэн ч тэр оройдоо л цагдаа нарт баригджээ. Шүүх хүүхдээ хаясан оюутан бүсгүйг 251 цаг албадан ажил хийлгэх ялаар шийтгэжээ.
NUUTS.mn
