ГЕГ-ын дарга хогний ногоон уутыг Хятадаас орж ирдэгийг баталжээ
Шинэчлэлийн Засгийн газрын Ерөнхий сайд Н.Алтанхуяг хотын Баатар мээртэй оны өмнөхөн айхтар муудалцаж билээ. Тэр үед Ерөнхий сайд “Бат-Үүлээ би л ярихгүй байгаа болохоос яривал зөндөө юм бий шүү” хэмээн айлгах сануулахыг хослуулан хэлж байсан. Тэрний нэг нь хогний ногоон уутны хэрэг байсан болж таарчээ. Энэ уутыг хаанахын ямар компани үйлдвэрлэдэгийг хотын удирдлага тас нуудаг. Хамгийн сайн мэдэж байх учиртай орлогч Н.Батаа нь хүртэл мэдэхгүй гэж мэдэн будилж байсан. Ингээд янз бүрийн таамаг яригдсаар сүүлдээ хотын захиргааны байр дээр тэнгэрээс бууж ирдэг гэсэн таамаглал хамгийн үнэнд тоооцогдож байсан. Тэгвэл энэ эрэлд ГЕГ-ын дарга цэг тавилаа. Тэрээр ногоон уут урд хөршөөс орж ирдэгийг хэвлэл мэдээллийн хэрэгслээр албан ёсоор баталж. Бид л муулаад байгаа болохоос уг нь ногоон уут “хэрэгтэй” гэнэ. Хүүхдүүд хүртэл хөөрхөн ашиглачихдаг юм байна.
NUUTS.mn
