2016 онд Төв аймгаас дархан аварга А.Сүхбат, Х.Тэмүүжин нар нэр дэвшинэ
Саяхан болж өнгөрсөн АН-ын ҮЗХ-ны нөхөн сонгуулиар Хууль зүйн сайд Х.Тэмүүжин Төв аймгийн АН-аас нэр дэвшээд унасан. Энэ нь түүний хувьд том ялагдал ч тэрээр энэ удаад өөрийгөө хэр зэрэг “бэлтгэлтэй” байгааг л туршиж үзсэн юм хэмээн ялагдалаа тайлбарлаж байгаа гэнэ. Дараагийн удаад гарах бүрэн боломж экс сайдад байгаа нь энэ удаа тод харагдаж. Түүнтэй хамт “бэлтгэл”гайгүй байгаа хүн бол АН-ын гишүүн, дархан аварга А.Сүхбат гэнэ. Тэрээр ирэх сонгуульд экс сайдтай хамт нэр дэвшихээр урьдчилсан байдлаар тохироод байгаа тухай ойрын эх сурвалж нь ам алдаж. Дархан аваргын хувьд УИХ-д нэр дэвшээд өрсөлдөхөд ялах магадлал нэлээд өндөр байгаа. Х.Тэмүүжин ч гэсэн сайд явсан хүний зангараг нь хаачих билээ. Гэхдээ аварга гишүүнийг “сугандаа хавчуулаад” дэвэх үү эсвэл гишүүн аваргыг чирээд явах уу гэдгийг одоогоор хэлэхэд эрт биз.
NUUTS.mn
