Нууц мэдээллийн уурхай

Хоёр талын хүсэл зорилгод хамгийн сайн нийцсэн гэрээг л “гайхамшигтай” гэдэг байх.  Тэгвэл ЗГХЭГ-ын даргын батлаад байгаа Оюутолгойн гэрээ нь гадныханд л тэрхүү гайхамшигтай сайхан ач тусаа өгч байна. Оюутолгой уурхайн ажил урагшилах тусам гэрээ улам бүр нарийсаж тэр чинээгээрээ монголчууд ямар ч эрх мэдэлгүй эрх ашгаа хамгаалж чадахгүйд хүрнэ гэдэг нь нэгэнт ойлгомжтой болжээ. Оюутолгойн хоёрдахь шатны хөрөнгө оруулалтыг татах асуудлаар хийж байгаа гэрээнд гадныхны тулгаж байгаа төслийг та харж байна. Манайхан Оюутолгой компаний ТУЗ-ээр дамжуулан эрх ашгаа хамгаална гэж ярьдаг ч урьд нь дандаа гадныхны гар хөл болсон этгээдүүд байсан. Өдгөө өөр хүмүүс суулаа гээд нэмэр болох юм алга. Гадныхны тулгаж байгаа төслийн 3.2-р заалтад Монголын талын гишүүдийн “эрх” нь ердөө гар өргөх явдал гэсэн агуулгатайгаар оруулж.

Уг заалт ёсоор “Зээлдүүлэгчдийн шаардсаны” дагуу ТУЗ нь оруулж ирсэн төслийн санхүүжилтийг санал нэгтэй батлах л үүрэгтэй гэнэ. Түүнийг өөрчлөх засах ямар ч эрх мэдэл алга. Мөн дараахь 3.4-р заалтанд монголчууд уг дуугүй баталсан үед л санхүүжилтийн мөнгө орж ирэхээр зааж. Энэ нь хэрвээ та нар Оюутолгойн ажлыг урагшуулая гэж байгаа бол Монголын талын эрх ашиг гэх мэт олон юм ярилгүй  оруулж ирсэн тоог зөвшөөрөөд л сууж бай гэсэн үг мөнөөс мөн. Гэрээний нэг тал нь ямар ч эрх мэдэлгүй амаа үдүүлэн суудаг гэрээг “гайхамшигтай” гэх үү. Энэ нь яваа яваандаа монголчууд Оюутолгойгоосоо  ямар ч ашиг хүртэхгүй бөгөөд харин С.Баярцогт насан туршдаа “гайхамшигтай” гэрээ гэж магтсаар суух биз.

NUUTS.mn