Нууц мэдээллийн уурхай

Өнгөрсөн долоо хоногт арай гэж баталсан төсвийн тодотголын үеэр эрх баригчид дэд сайдын орон тоог цомхотгох гэж нэг өдөр бөөн юм боллоо. Нийгэм даяараа ямар ч хэрэггүй албан тушаал гэдгийг нь мэддэг тул энэ дээр тоглолт хийвэл оноо авахыг гадарласан. Ерөнхий сайд долоон зөвлөхийнхөө дөрвийг халж эдийн засагт 140 сая төгрөгний хэмнэлт гаргаснаа зарлаж тэрүүхэндээ хөөрхөн популизм хийсэн .Тэгвэл 17 дэд сайдаа явуулчихсан бол ард түмэн жинхэнэ бодит ажил гэж үнэлэх байсан ч Ерөнхий сайдад тийм зориг байсангүй. Хэмнэх гэж байгаа бол гурвыг биш 17 хэмнэвэл илүү гэдэг нь хэнд ч ойлгомжтой хэрэг. Гэтэл дэд сайдын орон тоог цомхотгох асуудал хурцадмагц тэр даруйдаа Ерөнхий сайдыг тойрсон “Дэд сайд нараа аврах” албан бус хөдөлгөөн байгуулагдаж бөөн бужигнаан үүслээ. Эцэст нь популистууд ялж 17 дэд сайд амьсгаа авахтайгаа болсон. Дэд сайд хэмээх албан тушаал жилд 500 сая төгрөг “иддэг”. Энэ нь зөвхөн түүнийг дэд сайд гэдэг нэр зүүн юу ч хийгээгүйн төлөө өгдөг мөнгө нь, түүний туслах, нарийн бичгийн дарга,  жолооч машин унаа шатахуунд төлдөг зардалын хамгийн багасгасан хэмжээ нь юм. Ийнхүү эрх баригчдын дэд сайдын популизм нэг өдөр оргилоод дууссан нь яамай. 

NUUTS.mn