Дэд сайд асан Б.Болор дэд сайд хэрэггүйг баталжээ
Цагтаа ГХ-ны дэд сайдаар ажиллаж байсан, УИХ-ын ТБХ-ны дарга Б.Болор дэд сайд зардал өндөртэйг анхааруулжээ. 
Тэрээр ярилцлага өгөхдөө “Би хувь гишүүнийхээ хувиар санал өгч, С.Ганбаатар гишүүний саналыг дэмжсэн. Засгийн газар төрийн албыг 15 хувиар цомхотгоно гээд жирийн албан хаагчдыг ажлаас нь чөлөөлж байгаа. Тэгсэн атлаа дэд сайд нарыг нэмсэн. Сая Байнгын хорооны хуралдааны үеэр яригдлаа, дэд сайдыг дагаад туслах, жолооч гээд бий болдог. Зардал өндөртэй. Харамсалтай нь, дэд сайдыг цомхотгох санал олонхийн дэмжлэг аваагүй учраас үлдэх болж байна. Ер нь эдийн засгийн хүндрэлтэй үед Үндсэн чиг үүргийн дөрвөн яам нь дэд сайдтай, бусад яамдын дэд сайдыг цомхотгож болохоор л байгаа юм” гэжээ. Гэхдээ Б.Болорын мэдэгдэл нь үнэнийг оройтсон ч гэсэн ухаарсан хүний үг гэнэ. Үнэндээ дэд сайд нарт хийгээд байх ажил байдаггүй. Өмнөх хэдэн Засгийн үед яамны төрийн удирдлага болон тамгын газрын даргын чиг үүргээс танан байж хэдэн ажил арайхийн гаргаж өгдөг байсан. Энэ нь зовж байж дэд сайдын.суудалд хүрсэн 17 хүний чихэнд таатай сонсогдоогүй нь мэдээж. Тэд ч ТБХ-ны даргын хүний мөсгүйг гайхацгаасан гэнэ. Ялангуяа эмэгтэй дэд сайд нар араас адилхан дэд сайд явсан байж араас “түгжилдлээ” гэснээс гадна залуу хүн байж чуулганы танхимд хамгийн онцгүй хувцастай суудаг гэж өөлсөн сурагтай.
NUUTS.mn
