Ц.Оюунгэрэл гишүүн хэнтэй хамт хэдийд Гацуурт ороод ирсэн юм бол…
ССАЖЯ-ны сайд асан Ц.Оюунгэрэл хэнд ч хэлэлгүй ганцаараа шахам эзгүй уул руу яваад иржээ. Гэхдээ уул уурхайн мэргэжлийн хүн биш тул соёлын өв байна у үгүй юу гэж хайн Ноён уулын хэдэн амийг самнасан гэнэ. Уул хадаар яваад байгаа хатагтай УИХ-ын гишүүдэд болохоор сүүлийн хоёр сар англи хэл дээр бичсэн номон дээрээ толгой өндийх завгүй суусан гэж яриад байдаг. Тэрээр Ноён ууланд аялсан тухайгаа “Ноён уулын хэд хэдэн амаар нь орж үзлээ. Сүжигтийн аманд нь маш их соёлын өв байдаг юм байна. Аз болоход тэр аманд Гацууртын орд байрладаггүй. Өөр хэд хэдэн ам нь соёлын өвтэй юм байна. Тэнд бас Гацууртын орд байрладаггүй юм билээ. Гацуурдын орд байрлаж байгаа амыг Гацууртын ам гэж нэрлэдэг юм байна. Тэнд очиж үзлээ. Шороон ордыг нь олборлоод эхэлчихсэн. Шууд соёлын өвд заналхийлсэн юм алга. Стратегийн орд болох хэмжээний алтны нөөц тэндээс илэрсэн учраас Монголын эдийн засагт ашигтай байдлаар эргэлтэд оруулъя гэдэг асуудал ярьж байна. Миний ойлгосноор бага газарт алтны их нөөцтэй юм байна лээ” гэж ярьжээ. Ийнхүү гадныхны зүтгүүлж байгаа Гацууртын ордын лобби хурдаа авсаныг экс сайд хатагтайн мэгэгдэл баталлаа. Тэд УИХ-ын гишүүн нэг бүрд хүрч чадаж байгаа бөгөөд Ц.Оюунгэрэл хэний талд вэ гэдгээ гайгүй сайн харуулаад авсан. Соёлын сайдын өндөр албыг хашиж байсны хувьд түүх соёлын өв ордтой уулыг ухаж сэндийчийхийг эсэргүүцэх нь эрхэм хатагтайн наад захынх нь ёс суртахууны үүрэг мөн болов ч саарал ордонд суудаг хүмүүсээс байхгүй зүйлийг нь нэхээд хэрэггүй юм.
NUUTS.mn
