Хотын хэмжээнд Орон нутгийн хөгжлийн сангийн хөрөнгөөр хийгдсэн 41 тэрбумын өртөгтэй 500 төслийн 70 хувь нь огт зураг төсөвгүй батлагджээ
Төрийн ажилд ил тод байдалыг нэьтрүүлэх, иргэдийн оролцоог дээд зэргээр хангах тухай хамгийн их ярьдаг нийслэл хотын Баатар мээрийн цэргүүд Орон нутгийн хөгжлийн сангийн хөрөнгийг худалдан авах ажиллагааны журам зөрчих тал дээр “толгой цохиж” байсан нь илэрчээ. Энэ төрлийн 3.3 тэрбум төгрөгийн зөрчил Улаанбаатар хотод гарч. Хэрвээ энэ дээр 3.9 тэрбумын дутуу болон чанаргүй хийгдсэн ажлыг нэмбэл Улаанбаатар хотыг маань ямаршуу хүмүүс удирдаж байна вэ гэж айн болгоомжилоход хүргэж байна. Үүний шалтгаан нь ч тодорхой болж. Хотын хэмжээнд Орон нутгийн хөгжлийн сангийн хөрөнгөөр хийгдэх, хийгдсэн 41 тэрбумын 500 гаруй төслийн 70 хувь нь огт зураг төсөвгүй батлагдсан байжээ. Гэтэл Баатар мээр гуай доороо зургаан орлогчтой, дэргэдээ ЗДТГ, Захирагчийн ажлын албатай, хөрөнгө оруулалтын газартай гээд өчнөөн мундаг аппараттай атал зураг төсөвгүй төсөлд мөнгө өгөөд л байсан байх юм. Мөн Орон нутгийн хөгжлийн сангаас хэрэгжүүлэх төмөлд иргэдийн саналыг авч саналаар нь эрэмбэлэнэ гэсэн чухал зарчим хаягдаад уджээ. Ардчиллын “өлгий” хотод байдал ингэж шалдаа буусан байхад хотын захиргааныхан “бид ulaanbaatar.mn сайтаараа санал авч иргэдийнхээ оролцоог хангасаар байгаа” гээд нүүр нь улайхгүй яриад суудаг гэнэ.
NUUTS.mn
