Н.Лүндэндорж тэтгэвэрт гарах 4 шүүгчдээ 460 саяын тэтгэмж өгнө
Нийтэлсэн: 2015-01-22 02:37:55
Монголын төрийн албан хаагч нараас шүүгчид хамгийн өндөр цалин авдаг. Шүүхийн Ерөнхий зөвлөлийн дарга Н.Лүндэндоржийн УИХ-д хэлснээр анхан шатны шүүхийн шүүгчид сард 2.7, давж заалдах шатны шүүгчид 2.9 сая төгрөг тус тус авдаг бол Улсын Дээд шүүхийн шүүгчид сард 3.2 сая төгрөгийн цалин авдаг гэнэ. Үүнийг шудрага цалин гэж үзэж байгаагаа Шүүхийн Ерөнхий зөвлөлийн дарга мэдэгдсэн бол УИХ-ын дарга шүүгчдийн хэт өндөр цалин төсөвд дарамт болж байгаа тухай ярьж байсан. Төрийн албан хаагчид тэтгэвэрт гарахад сүүлийн 36 сарын цалинтай нь тэнцэх хэмжээний тэтгэмж олгох шинэ заалт нь цаанаа эдийн засгийн нэлээд асуудал үүсгэх нь тодорхой болж. Ялангуяа өндөр цалинтай төрийн албаныханд бүр ч том асуудал болох нь энэ жил тэтгэвэртээ гарах Улсын Дээд шүүхийн дөрвөн шүүгчийн тэтгэмжтэй холбоотой асуудал Шүүхийн Ерөнхий зөвлөлд хүндрэл үүсгээд байгаагаас харж болох гэнэ Тэтгэмжийн журмын дагуу дөрвөн шүүгчид тус бүрд нь 36 сарын цалинтай нь тэнцэх хэмжээний тэтгэлэг өгөхөд л нийтдээ 460 сая төгрөг болоод байна.
NUUTS.mn
