Нууц мэдээллийн уурхай

ЗГХЭГ-ын сайд С.Баярцогтоос “сайн сайхан” зүйл гарна гэж хүлээхэд бэрх болжээ. Өдгөө нэг долларыг нь ч гэсэн үр ашигтай зарцуулах ёстой “Чингис” бондын мөнгөнөөс 17 тэрбумыг Америкийн нэгэн хуулийн компанид өгөх санал бүхий материал УИХ-ын Төсвийн байнгийн хороонд оруулсан нь доорхи баримтаар батлагдаж байна. Нэр нь үл мэдэгдэх гадны хуулийн компани төрийн өмчит “Эрдэнэс Оюутолгой”-д зөвлөх үйлчилгээ үзүүлэх гэнэ. Шинэчлэлийн болон Шийдлийн Засгийн газар намынхаа хамгийн шилдэг боловсролтой боловсон хүчнийг гол гол газруудад “тараан байрлуулсан” гээд байсан нь шар толгойтнуудын туслалцаагүйгээр ганц компани удирдаад аваад явчих чадваргүй нөхдүүд байсан аж. Тэгээд ч олон арван сая доллароор хэмжигддэг зөвлөх үйлчилгээ гэгч ямагт хардлага сэжиг дагуулдаг. Иймэрхүү  өндөр үнэтэй ч өгөөж багатай “гайхамшигт” зөвлөх үйлчилгээний үр дүнд бий болсон зузаан зузаан боть бизнес-план, менежментийн зөвлөгөө МИАТ компанид гэхэд л уул овоо шиг их байдаг.  Тэрийг нь ашиглаж байгаа юм байхгүйн дээр Монголын нөхцөлд таарахгүй “галзуу хүний өдрийн тэмдэглэл”шиг юм байдаг гэсэн. Тэгвэл ахиад л нэг том зөвлөх үйлчилгээг “Эрдэнэс ОТ” компанид шахахаар болж байгааг холбогдох байгууллага нь шалгах хэрэгтэй.

 

NUUTS.mn