“Эрдэнэс Оюутолгой” 17 тэрбумаар зөвлөх үйлчилгээ авах гэнэ
Монгол Улсын 2015 оны төсвийн тухай хуульд нэмэлт өөрчлөлт оруулах тухай хуулийн төсөлд туссан төсөл хөтөлбөрийн жагсаалт хэмээх бичгийг ЗГХЭГ-ын дарга С.Баярцогт УИХ-ын ТБХ-нд хүргүүлжээ. Тэр жагсаалтад багтсан төсөл хөтөлбөрүүдийг Засгийн газрын эх үүсвэрээр болон улсын төсвөөс эргэн эргэн төлөх нөхцөлтөйгээр Хөгжлийн банк санхүүжүүлэх аж. Гэтэл тэр дунд нь төрийн өмчийн “Эрдэнэс Оюутолгой” компани Америкийн хуулийн фирмээс 17 тэрбум төгрөгөөр эрхзүйн зөвлөх үйлчилгээ авах төсөл “цохиж яваа” гэнэ. ЗГХЭГ-ын даргаас иймэрхүү л бичиг цаас гарах биз. Төрийн эрхэнд гарагсад өдгөө бүр ичиж эрээлэхээ байж. Эдийн засгийн хүндрэлийн үед 17 тэрбумийг гадны компанид хэдхэн зөвлөгөөний төлөө өгөх нь “гайхамшигтай санаа” бус гэж үү. Тэгээд бүр ирээдүйд бөөн өр нь болох тодорхой болсон “Чингис” бондын мөнгөнөөс өгөх гэнэ.
NUUTS.mn
