УУ-н сайд Р.Жигжид “хоёрдахь Батболд” мөн үү ?
Батболд Батбаяр гэсэн хүмүүсээс болж “Бороо гоулд” гэдэг компани монголчуудын толгой дээр гарсан. Нэг нь алтны ордын лицензээ тэдэнд өгсөн бол нөгөө нь сайд байхдаа гол гол татвараас чөлөөлөөд өгсөн. Бэлэн ордтой дээр нь татвар төлөхгүй болсон гадныхан Сонголын нутаг дураараа тонгочиж дунд чөмгөөрөө жиргэсэн гэхэд болно. 40 тоннын нөөцтэй Бороогийн ордыг ганц хоёрхон жилд хуу цөмсөн. Өдгөө ханалгүй ахиад Гацууртын орд руу шүлсээ савируулан дайрч эхэллээ. Монгол түмний өвөг дээсийн онго шүтээнтэй үнэт олдвортой энэ уул канад-жүүд нарт ердөө нэг овоо төдий л харагдаж байгаа. Тэднийг дагаж угаадсыг нь долоодог монголчууд нь Хүннү гэж ямар омог бардам аугаа ард түмэн байсныг мэдэх ч үгүй мэдэхийг ч хүсэхгүй. Саяхан УУ-н сайдтан Гацууртын олборлолт хийх бүсийн дотор эртний түүх сойлын олдвор байхгүй гэж мэргэжлийн байгууллагын дүгнэлт гарсан гэж мэдэгдсэн. Тэгвэл өнгөрсөн долоо хоногт Ноён ууланд ажилласан манай тэргүүлэх түүхч эрдэмтэд эртний маш үнэт дурсгал олвортой болохыг нь байгааг батлаад байна. Энэ дүгнэлт ч гэсэн эрхэм сайдын ширээнд очсон. Харин сайдтан тэр хоёр дүгнэлтээс зөвхөн өөртөө хэрэгтэйг нь аваад УИХ-ын Байнгийн хорооны хуралдаан дээр яриад сууж байна. Батболд, Батбаяр нарт Бороогийн ордыг ухуулах нь чухал байсан. Тэгвэл Гарамгайбаатар, Жигжид нарт Гацууртын ордыг гадныханд өгөх нь чухал болжээ.
NUUTS.mn
