Хоёр хашир хандгай бие биенээ хамгаалаад сүйд гэнэ
Нийтэлсэн: 2015-01-21 03:30:59
МҮОХ-ны тэргүүнийг унагах гээд нэг удаа оролдсон “Аса ба түүний нөхөд” ахин зүтгэж даагаа нэхлээ. “Шүүхийн шийдвэр гарсан хүнийг даргаар тавьж байгаа нь буруу” хэмээн тэд байр сууриа илэрхийлсэн. Оны өмнөхөн мөн л энэ асуудлаар шаардлага хүргүүж Д.Загдсүрэнг ажлаа өгөхийг тулган бүр МҮОХ-ны бүх гишүүдийн хурлыг хуралдуулсан. Даанч тэр хурал дээр “Аса болон түүний нөхөд” нам даруулаад дууссан. Их аварга Д.Дагвадорж тэр хурлыг хуучны Коммунист намын хуралтай зүйрлэсэн гэнэ. Удирдах зөвлөлийн хэдэн гишүүд нь Ерөнхийлөгчөө зад хамгаалсан агаад МҮБХ-ны тэргүүн Р.Нямдорж хүртэл өмгөөлсөн. Хуучины хоёр хашир хандгай нэг зүйлээрээ ижил. Аль аль нь өөрийнхөө байгууллагыг олон жил удирдсан. Р.Нямдорж л гэхэд хоин жил Бөхийн өргөөнд эзэн суулаа. Түүнийг ч мөн авч хаях гээд байнга оролддог ч чаддаггүй. Хэрвээ нэг нь унавал нөгөөд тэр хувь зохиол давтагдаж магадгүй тул “хувь заяаны энэ хүнд шалгуурын” өмнө эв нэгдэлтэй байж бие биенээ дэмжиж байгаа гэнэ.
NUUTS.mn
