Д.Оюунхоролын үед тахийн унага үхдэгээрээ үхнэ
Монголд тахь нутагшуулаад олон жил боллоо. Гэсэн ч тоо толгой нь гавьтай өсөхгүй байна. Учир нь жил бүр 30-40 унага нь чононд бариулах болон өвчин зэргээр энддэг. Жилд 60 орчим гүү унагалдагаас ердөө 10-15 хүрэхгүй нь л сүрэгтээ тоо нэмдэг. Энэ байдал сүүлийн арваад жил үргэлжилж байгаа бөгөөд үе үеийн “Бо” яамны сайд нарын анхааралын гадна үлддэг байсан. Д.Оюунхорол сайдын үед ч энэ байдал засрахгүй биз. Шинэ сайд хатагтайн хийж байгаа ажил явуулж байгаа бодлого нь хамгаалалтанд авах ан амьтан, ургамал, байгалийн үзэсгэлэнт газрын тоог нэмэх бололтой. Байгаа хэдээ олигтой хамгаалж байж тэгж “өөртөө лай хураах” хэрэггүй биз. Түүнээс гадна хамгаалах “обьектын” тоо нэмэгдэхийн хэрээр төрийн зардал зарцуулах хөрөнгө өсөж таараа. Гэтэл эдийн засгийн хүндрэлийн үед БОНХАЖЯ-нд тийм их хөрөнгө байхгүй, сайд нь мөнгө босгож чадахгүй л байх.
NUUTS.mn
