Нууц мэдээллийн уурхай

ХААИС-ын захирал Б.Бямбаа нарын дуулиант хэргийг анхан шатны шүүхээс цагаатгаж Б.Бямбаа, Д.Янжмаа, Ц.Амарсайхан, Б.Болдбаатар нарыг батлан даалтад өгөх таслан сэргийлэх арга хэмжээг хүчингүй болгож шүүх хуралдааны танхимаас шууд сулласан. Гэтэл хохироогүй гээд байсан сургууль анхан шатны шүүхийн дараа гэнэт зангаа хувирган хохирсон болоод явчихжээ. Д.Хэрүүга захирлын томилсон итгэмжлэгдсэн төлөөлөгч Т.Даваажав, өмгөөлөгч Т.Цогтжаргал нар нь “ХААИС нь 100 хувь төрийн өмчит сургууль, иймд хөрөнгө мөнгө хэрхэн зарцуулахыг сургуулийн Удирдах зөвлөл шийддэг, энэ хэрэгт манай сургууль хохирсон нь үнэн, гэмт хэргийн бүрэлдэхүүн байна” хэмээн гомдол гаргаж. Прокурор ч үүнийг нь дэмжин эсэргүүцэл бичсэнээр Б.Бямбаа нарын шүүх хурал өчигдөр болсон ч ахин хойшиллоо. Энэ хэрэгт ХААИС-ийн эдийн засагч З.Лхагвадорж, Ш.Энхтөр, С.Алтанцэцэг, Д.Эрдэнэцогт, Б.Солонго, Б.Жавзандорж, Г.Цог-Эрдэнэ нар гэрчээр мэдүүлэг өгчээ.
-ХААИС-ийн эдийн засагч З.Лхагвадорж : Би Олон улсын хэл судлалын төвийн барилга гэдгийг 2012 оны 12-р сард л мэдсэн, түүнээс өмнө мэдээгүй, тэр үед манай ажилчид Бямбаа захирал сургуулийн хашаанд өөрийн хөрөнгөөр барьсан хувийн барилгаа сургуульд зарсан хэмээн ярьцгааж байсан, би манай сургууль хөрөнгө мөнгөгүй байж ямар мөнгөөрөө авсан юм бол гэж гайхсан, сургуулийн эдийн засагчын хувьд надад сургуулийн санхүүгийн болон мөнгөн хөрөнгийн мэдээллийг танилцуулдаггүй байсан, 2012 оны сургуулийн төсөвд ямар ч Олон улсын хэл судлалын төвийн барилга худалдаж авна гэж хөрөнгө мөнгө тусгагдаагүй, 741 сая төгрөгөөр барилга худалдан авах нь битгий хэл цалингаа арай гэж тавьдаг байсан,
-С.Алтанцэцэг : Би захирал Энхтөрийн хий гэсний дагуу хийсэн, эхлээд орон сууцны зориулалтаар баригдаж байсан, сүүлд нь нь Хэл судлалын төв болж өөрчлөгдсөн,
Мөн ХААИС-ийн Хяналт шалгалт мониторингийн албаны дарга бөгөөд дэд захирлаар ажиллаж байсан Т.Даваажав мөрдөн байцаалтын шатанд гэрчээр мэдүүлэг өгчээ.
 

NUUTS.mn