Нууц мэдээллийн уурхай

Судлаачид эмч нар эмэгтэй хүнд удамшлаар дамждаг өвчнийг тогтоон тодорхойлжээ:
-Цэвэршилт эрт явагдах : Энэ өвчний удамших магадлал нь 70-80 хувь гэнэ. Ихэнхи эмэгтэйчүүд 51-53 насандаа цэвэршдэг бол ийм өвчтэй нэгэнд нь 46 наснаас өмнө илрэх нь бий.
-Мигрени : Толгойн энэ өвчнийг удамшин авах магадлал бас 70-аас дээш хувьтай аж. Энэ өвчнийг дамжуулдаг генийг саяхан нээсэн. Ийм өвчтэй хүний толгой чимээ шуугиан, эм тариа, кофены үйлчлэлийн улмаас зовиуртай лугшиж өвддөг.
-Таргалалт: Хэрвээ ээж нь бүдүүн бол охин нь илүүдэл жинтэй болох магадлал 40 хувиас дээшээ байдаг.  Бүр эцэг эх нь хоюулаа тарган бол энэ хувь 70-д хүрдэг гэнэ.
-Биеийн галбир, хөгжил : Эмэгтэй хүүхэд ээжийгээ энэ талаар 50 хувийг нь хуулан төрдөг. “Хэрвээ та Олимпийн аварга болохыг хүсвэл эхлээд эцэг эхээ сонгож төр” гэсэн үг хоосонгүй гэнэ.
-Сэтгэцийн хямрал : Энэ өвчний удамших магадлал 10-30 хувь гэнэ. Ялангуяа ээжийнхээ нөлөөнд хэт орсон охид ийм өвчтэй болдогийг судалгаа харуулж.
-Зүрхний өвчин : Судлаачид 20 хувьтай гэж дүгнэж.
-Хөхний хавдар : 15 хувийн магадлалтай аж. Хэрвээ  эмээ, ээж тань залуудаа энэ өвчин туссан бол удамших магадлал тэр хэмжээгээр өсдөг.
 

NUUTS.mn